壹週刊 忽然1週 FACE 東周刊 3週刊 娛樂八掛 娛樂八掛週刊雜誌 娛樂八卦 本地娛樂 外地娛樂 政治時事
盛傳出年同大 13年、 36歲的陳山聰拉埋天窗、獲賭王豪送 4億大屋 嘅何超雲，近日又有報道指婚事被三太反對，無限期擱置。
未做得成陳太，超雲呢輪甚少再喺微博曬拍拖相，反而日日狂放時裝相，除咗擺曬 pose每日一 look，仲幫自己間潮店 CHEW closet賣廣告。超雲將新到貨品掛起逐件影，又好有心機襯好曬一套，再由何家千金親自做 model著上身。但超雲早排俾網友笑佢衣著似鳳姐，由佢親自示範會唔會影響生意呢？
超雲好有心機將貨品嘅牌子逐件列明，弊在條短褲著喺大髀勁粗嘅超雲身上，又真係唔太開胃。
超雲其實好落力擺 pose，偏偏個樣 chok得太自覺，冇計！
貴為賭王女，超雲嘅生活唔係遊埠就係修甲，忙到呢！
盛傳超雲會打本畀陳山聰搞男裝潮店，如果到時山聰又係親身上陣做示範，強烈建議兩人先去減肥！
