星悅居
潘曉彤 自然無添家
2012年11月16日
住了多年 500呎居所，住慣了，有感情。
有時覺得儘管屋企細，只要舒服，這個家還是窩心的。演慣童星的潘曉彤，其家居便令我深深體會甚麼是家庭溫暖。她和家人住在西貢蠔湧新村二樓連天台的村屋， 700呎的家，企理簡潔，天台種滿盆栽，盆栽盡是薑、辣椒、檸檬葉及香草等，全部可以用來煮餸。
另一邊則晾曬著她自製的香茅番梘；肚餓了，廚房的麵包機有媽媽上班前焗好的麵包。家中到處都有自家製用品，絕對無添加，試問有甚麼比這種感覺更溫暖。
對著彤彤，相信大家真真正正可以大膽對她說：「細細個就喺電視睇住你大。」不是嗎？她才 23歲，是個不折不扣的 80後，但她卻入行 20年， 3歲便開始童星路。「其實當年係表姐帶我面試，佢哋見我唔驚唔喊，咪俾我做《閃電傳真機》囉！」近年長大了，彤彤多演少女或女兒的角色，飾演過苗僑偉、陳秀珠及《天與地》黃德斌等十多位明星的女兒。她的童年生活，比一般人豐富。
快樂植物園
染指娛樂圈，沒有令彤彤變質，反而活得更充實。她帶記者到自己和父母所住的 700呎蠔湧村屋，簡潔的客飯廳沒有多餘雜物，乾淨企理。敞開露台的窗戶，景觀開揚，眼前一幢一幢矮矮的村屋，沒有遮擋著翠綠山景。原來沒有海景靚 view，也可以令人心曠神怡。
記者最喜歡望見太陽，第一時間走上彤家的天台，原來她與媽媽在天台種了廿多盆盆栽，最新奇是有極多香草如 Rosemary、九層塔、辣椒、檸檬葉、紅菜頭，甚至連「大大嚿」薑也有。她表示種到時機成熟，便摘下來煮餸，「呢啲係我媽咪嘅傑作，我主要負責幫手淋花，見到佢哋慢慢成長，又要食佢哋，其實心情都幾矛盾㗎。」
稍移兩步，玻璃圓桌上，正晾曬一件一件小香梘。「呢啲香茅番梘係我自己整㗎，因為我有皮膚敏感，市面好多梘有防腐劑，唔啱我用。出面亦都買唔到有香茅嘅梘，於是我就自己整囉。成分好簡單，都係橄欖油、棕櫚油、氫氧化鈉、甜杏仁油、白蜂蠟，校啱成分，搓埋一齊曬乾就得。」
窩心媽咪
吸飽了清新的空氣，突然聞到樓下傳來陣陣撲鼻麵包香氣，記者一行四人返回二樓，發現廚房裏原來焗好了麵包，打開了麵包機，熱烘烘的一整個方包冒著煙，真想立即一口咬下去。彤彤說：「今日係媽咪生日，但佢今朝返工前都整咗下午茶俾我。除咗整嘢食，我哋好鍾意啲手作仔，盡量都自己整，感覺上健康啲。我成日同媽咪講話我哋可以出去擺檔㗎！」
有媽咪照顧特別窩心的另一個實證，就是走進彤彤的睡房，非常整齊，由梳妝枱到書枱及睡牀也不見雜物，以一個小女孩房間來說，算是十分企理。再打開她的衣櫃，衣服幾乎擠爆了櫃，但卻分門別類得很仔細，「有媽咪嘅屋企真係好，好細微嘅嘢都照顧到，當然我都有做家務㗎，我成日都話唔嫁要佢陪我到老！」囡囡賣口乖，相信彤彤媽咪一定甜到入心。
