是我小時候：徐子珊舞不喜
04年港姐冠軍徐子珊，兒時最愛跟大一歲的家姐玩香港小姐等角色扮演遊戲，子珊從來沒想過選港姐，因她最喜歡跳舞，曾想過當舞蹈家，可惜遭家人反對！
撰文：黃曉妍
徐子珊與家姐年齡相差一年，兩姊妹最愛在家中玩香港小姐、醫生護士、老師學生等角色扮演遊戲，子珊笑說：「我哋披毛巾被，用釦針扣住，攞雞毛掃扮港姐權杖；玩老師學生，家姐通常扮老師，因為佢話學生要做功課，好好笑，除咗返學，其餘時間同家姐玩，因為唔畀出街玩，到咗六年級，我間中先同同學去圖書館。」選港姐是兒時夢想？子珊說：「唔係，細個睇電視見到人哋做乜就會模仿，冇諗過選港姐，我細個係想跳舞維生，但屋企人反對，覺得係唔穩定嘅工作。」
■子珊在公園玩耍，因見不到父母，所以皺起眉頭。
■攝於啟德機場，原來子珊小時候已對火柴盒有情意結，長大後更花十年儲火柴盒。
■攝於祖母家，當時與家姐捉迷藏，不期然露出鬼馬樣子。
學業轉差
子珊4歲開始學芭蕾舞，每星期上一堂，所以她很期待上堂的日子，直至跳到十多歲，再轉跳Pop Jazz。原來學舞期間，子珊因學業成績轉差，被家人勸阻不要再跳，她說：「當時讀初中，屋企人唔畀我再跳，冇錢畀我學，真係好唔開心，於是我用一年時間讀番好啲書，證明畀屋企人睇，後來我仲考到獎學金去學跳Pop Jazz。」
■兒時子珊住在村屋，曾誤踩蜜蜂，被針得雙腳紅腫。
■與5歲大的家姐（左），攝於親戚家，子珊盡顯其粗豪坐姿。
■生病一場，令子珊消瘦不少。
小時候的子珊經常跟家人玩戶外活動，11歲那年跟家姐、舅父踩單車，由於子珊體力不及他們，所以踩得較為落後，還不慎撞石，導致小腿傷到見骨，子珊說：「佢哋見唔到我，唔知我受傷，我咪惟有返屋企，我阿爸冇送我去醫院，淨係用消毒藥水幫我清理傷口，痛到我死，我阿爸好兇狠呀！」
■子珊拜山時與家人大合照，但近年因忙於工作已甚少拜山。
■雖然子珊當不成舞蹈家，但入行後依然常有機會一展舞技。
.是我小時候：徐子珊舞不喜
http://veryy8.blogspot.com/2013/03/blog-post_14.html
