鍾嘉欣首談《人生馬戲團》驚險事件
《人生馬戲團》，06年劇集，收視唔高，但久唔久就俾人提起。多年來一直有傳，05年拍《人生馬戲團》、到番禺取景嗰陣，劇組人員在當地遇劫。事後有指兩女被無綫高層樂易玲急召返港了解事件，其間有人泣不成聲，最後無綫下令所有人封口。
傳就係咁傳，估唔到一封口就封咗咁多年。今日嘉欣BB出席港台職安活動，講到職業安全呢樣嘢，佢就破天荒開腔講番當年拍《人生馬戲團》驚險事，但佢講之前神情有啲猶疑，仲話﹕「死喇，講唔講得0架？」
諗咗一陣，嘉欣BB終於話﹕「試過有一次，嗰時拍《人生馬戲團》，我唔知大家有冇睇過嗰套戲啦，但有條紅色繩，我著住啲紅色古裝衫，咁我要吊喺上面，咁但係因為嗰次冇吊威吔，我剩係用隻手嘅力、綁嗰啲死結呢，跟住就fing我，好大個圈，好似馬戲團嗰啲。嗰次對我嚟講，係好危險。嗰時得19歲，所以好唔知危險，依家就唔會再試喎！」仲邊憶述邊笑添。
嘉欣BB主動講番05年拍《人生馬戲團》驚險事。
「死喇，講唔講得0架？」 
猶疑緊講唔講 
終於都講喇﹗ 
「我剩係用隻手嘅力、綁嗰啲死結呢，跟住就fing我。」 
「嗰次對我嚟講，係好危險﹗」 
講番件事時，嘉欣BB笑容幾好喎。 
當年嘉欣喺《人生馬戲團》應付唔少高難度動作0架﹗(劇照) 
《人生》傳聞多多，亦有傳當日係陳浩民(左一)闖禍所致。(劇照) 
當年的《人生馬戲團》成員，大家認得幾個多？(劇照)
.鍾嘉欣首談《人生馬戲團》驚險事件
http://veryy8.blogspot.com/2013/03/blog-post_18.html
