我主場：方中信靠囡囡 擋爛桃花
事實證明，由浪子變慈父，可以和“將白發變黑”同樣迅速。07年尾，女友莫可欣意外懷孕，令未有心理准備做爸爸的方中信不知所措，更有指他曾以“妖”字去回應女友懷孕一事；到現在女兒符迦晴差不多五歲，方中信一提女兒已露出窩心笑容，他更坦言女兒成了他的護身符，專擋主動埋身的爛桃花。而當提到不久前離世的父親，方中信仍難掩悲傷，他希望能藉時間來撫平傷痛。
撰文：文國駿
方中信早前為宣傳無線劇集《仁心解碼II》接受本報專訪，近年多在內地拍劇的他當日密集式受訪，不禁露出疲態，他直言：“其實我好怕宣傳，因為我個人超級乏味，生活又冇火花，你哋都會寫得好乏味。”方中信於劇中飾演法醫精神科顧問醫生，他笑言自己現實中絕對沒有精神問題，他說：“我算系脾氣暴躁嘅人，唔好嘅系人哋會知道曬你嘅喜怒哀樂，好嘅系自己唔會將負面情緒屈埋喺個心入面，唔會咁易影響心情同有抑鬱。”
■方中信提到女兒符迦晴便會露出窩心笑容，他坦言女兒成了他的護身符，專擋爛桃花。
攝影：陳順禎
■方中信曾因女友意外懷孕而不知所措，但08年莫可欣誕下5.7磅的女兒，卻讓他大為感動。
女兒收服
問到方中信女兒迦晴出世後有否令他收火？他坦言：“有o架，有個女脾氣冇咁大，我會覺得已經冇乜嘢值得我去嬲，我生活穩定，家庭又OK，冇乜嘢要我發脾氣。”囡囡將近五歲，方中信表示正為她張羅合適小學，他笑謂：“睇佢個樣都系讀唔到書嘅人，會揀啲俾佢自由發展嘅學校。”方中信又大爆自己被女兒收得貼貼服服，他說：“喺屋企都系老婆做惡𠮶個，因為個女唔驚我，好似有時佢食飯我要佢自己食，佢又扭要人喂，我喝嚇佢呀鬧佢，佢都唔會驚，仲會皺眉扮我個樣。”
■方中信到醫院接莫可欣及女兒出院。
■符迦晴出生15天，方中信把照片上載到網志。
■方中信細心教導女兒遊泳。
■方中信一家三口參加慈善步行籌款。
不知不覺方中信已經五十歲，如何形容這五十年的人生？直腸直肚的他表示：“陽光燦爛囉，唔想有嘅小朋友都有埋，一個意外改變一生，系個天畀我嘅。”女兒不單改變他一生，亦成為了他北上拍劇，遇到主動女生時的護身符，他笑言：“我喺大陸拍劇都會有唱K，食飯猜嚇枚咁，但冇其他嘢囉，可能啲人見親我都系將個女掛喺口邊，唔通佢哋會貪buy one get one free（買一送一），有個現成嘅唔使自己生咩！”
雖然女兒讓方中信暖在心頭，但他的爸爸卻於今年初因癌症離世，令方中信十分悲痛，他坦言現在對父親仍很掛念，他說：“其實我性格全部都系遺傳自我爸爸，佢系一個好慳儉嘅人，由佢畀12萬我買第一層樓，我就知佢乜都諗仔女先。”
■今年初方中信（左）父親因癌症離世，他直認非常難過。
喪父最痛
當初方中信父親確診患上癌病時，正值方中信為《仁心II》開工，他坦言開工頭兩天非常辛苦：“𠮶陣真系幾難接受呢個事實，但都要做，冇辦法，惟有一收工就盡快趕去探爸爸。其實今次劇入面我都有一場親人離世嘅戲，個劇本寫得好真，我前幾日睇番𠮶集，𠮶啲內心反應系同我爸爸真系離開時一樣，當初唔想面對，到接受，難過，真系冇多冇少，一模一樣。”他表示時間是最好的療傷方法，因為不管怎樣也會度過最傷痛的一段時間，剩下的只是懷念：“時間系最好嘅複原方法，始終要去面對，我爸爸走時全家都喺度，我系最冷靜𠮶個。”
■蒙嘉慧成為了鄭太，方中信也說替她開心。
《仁心解碼II》劇照
八點上床
對於事隔數年再接拍《仁心II》，方中信表示跟班底默契十足，合作拍攝時很開心，對於劇中有感情線的楊怡及蒙嘉慧，方中信說：“我直情當楊怡系男人，佢系一個男仔頭，好好玩成日玩到打交；至於蒙嘉慧都合作咗好耐，佢??家做咗鄭太都戥佢開心嘅！”至於《仁心II》是方中信與無線合約內的最後一套劇，他笑言終於“找曬數”，但由於他跟無線關系良好，所以即使沒約在身，若有合適角色也很願意回巢拍劇。
■年屆50依然保持有型外表，方中信的秘訣竟是八點就上床瞓覺。
談到今年多出劇也以“中佬”如方中信、吳啟華和黎耀祥等孭飛，方中信坦言是新一代小生未夠經驗：“可能系佢哋未夠經驗啦，呢啲系要累積嘅，但系香港o依家負面情緒太勁，可能會一做得唔好就鬧，唔去接受，好容易一做唔好就冇下次，唔似我哋以前咁有多啲嘅機會。”一眾中佬在劇中多配上年紀小一截的花旦，難得的是方中信在外表仍保持著他那“香港李察基爾”的風範，問他可有秘訣？他表示：“我每日如果唔使開工，我一定會做個幾鍾頭運動，平日夜晚八點零就會上床瞓覺，就算同朋友出去玩到十一點幾我都會閃，個人身體健康最緊要。”
.我主場：方中信靠囡囡 擋爛桃花
http://hittt.blogspot.com/2013/04/blog-post_7.html
