馬場齋睇
馬德鐘同老婆都算係馬場常客，好在馬德鐘唔好賭錢，只係至多睇多啲攞經驗，相信馬太放心佢玩馬仔多過上大陸拍劇囉！《蘋果日報》圖片
真面目
馬運亨通 澳洲買馬仔 馬德鐘 180萬做馬主
「馬神」馬德鐘早前與無綫改簽部頭合約，主力搵「人仔」，內地拍劇一年已傳穩袋 4千萬「人仔」，賺到笑。
曾經講過：「我自細就好鍾意馬，一直有個夢想係開牧場養馬。」馬神如今水頭充足，當然可以達成夢想。據知馬神去年先陪老友去法國揀馬兼偷師，月前趁有假期更親赴澳洲落訂買馬，下一步將入紙香港賽馬會申請做馬主。不過養馬絕對係高消費玩意，睇嚟「馬神」要狂拍大陸劇先得喇！
44歲馬德鐘（ Joe）自決定跟無綫改簽部頭合約後即全力在國內發展，事業一帆風順，內地劇集一套接一套，早前更有報道指他在短短一年就吸到 4千萬「人仔」，難怪馬神最近在北京置業，月前仲靜雞雞飛澳洲揀靚馬。
齋睇唔賭
馬德鐘除了姓馬之外，其實還對馬情有獨鍾，馬神曾在訪問中提到：「我自細就好鍾意馬，一直有個夢想係開牧場養馬，但呢個夢想應該幾難達成。我希望可以放兩、三年時間做馬主。其實之前有個朋友去法國買馬，我都有跟住去當參考做準備。因為買馬之後仲要養，所以一定要識（揀）馬。」
為了夢想，馬德鐘不時現身馬場，不過齋睇唔賭。馬德鐘身邊好友說：「佢鍾意睇馬但唔鍾意賭馬，有時成班朋友賭馬，佢都好少落注，但就比任何人都留心馬匹狀態。」平時做足功課，月前馬德鐘便親赴澳洲揀馬。
揀馬睇樣
直至今年初，馬神又再放風，「其實做馬主係我好多年心願，太太都好支持我，佢話做馬主唔緊要，最重要係唔好玩物喪志，掛住隻馬唔做嘢，但當興趣去養就絕對冇問題，所以我好多謝太太咁支持我。養馬始終係為興趣，唔係為贏比賽，有得贏當然係好，但冇亦冇所謂。」
去年馬德鐘陪友人到法國揀馬，順便偷師，返港後即問准老婆，計掂條數， 3月便與友人飛往澳洲黃金海岸一年一度的拍賣會「 Magic Millions Gold Goast Yearling Sale」揀馬，最後豪擲 180萬港元，買入一隻 2歲雄性馬匹。知情者說：「 Joe其實自己都識睇，而且佢主要係想養馬，到時唔會穀隻馬去比賽，所以佢冇睇父系或者母系之前嘅戰績。佢揀中呢隻係因為隻馬胸夠橫夠大，望落又夠靚仔（健康），同 Joe一見鍾情。」本刊曾聯絡馬神，惟至截稿前仍未聯絡得上。
養馬年花 50萬
據知馬德鐘於 3月份曾遠赴澳洲黃金海岸參加一年一度的「 2013 Magic Millions Gold Coast Yearling Sale」馬匹拍賣會。當日馬神睇中 2歲雄性馬匹 Miraposa，並即場以 23萬澳幣（約 180萬港幣）撲槌買下。現已開始為帶愛駒返港而做準備。若馬德鐘要將 Miraposa運返港，運費和保險費預計約 40萬，每年亦需花近 50萬飼養。
本地資深馬主鄭龍敦表示，買馬主要分 2種， PPG即係未出過賽嘅馬，而 PP即係比賽過嘅，通常都會搵練馬師一齊去揀，一嚟幫吓眼，二嚟衰咗都有人賴嘛！鄭生仲話喺澳洲同新西蘭買嘅馬較適合香港天氣，而且雄馬會更好。買嘅時候就要決定埋想隻馬跑長途定短途，因為短途適合胸大，長途就要揀瘦長，「澳洲馬一般由幾萬至幾百萬都有，所以佢𠵱家呢隻馬，因為唔知道佢父系係點，好難講佢有冇俾人搵笨。香港賽馬會每年 3月入紙申請， 6月就抽籤，一般人大約抽 3年先會抽中，個個郭富城咁好彩咩？」
「星」級馬主
名人明星除咗鍾意買車玩車，愈來愈多開始想買馬做馬主，最緊要威水。
郭富城
郭富城自 2011-2012馬季開始成為香港賽馬會會員馬主，是香港競賽馬匹「愛的呼喚」馬主，也是 2012-2013年度馬季自購新馬進口許可證中簽會員（與張智霖、周文曦、陳汝安合養）， 2012年 9月 23日，郭富城馬匹「愛的呼喚」首次出賽，以兩個半馬位之先贏馬，為他帶來約 28萬元獎金。
點做馬主？
1.準馬主要先抽籤（免費），抽唔中下年再嚟過。馬匹擁有權都分 3種，個人（ 1人）、合股（ 2-4人）同埋團體（ 5-50人）都有。
2.馬匹進口前要接受 21日體格檢查，到港都要喺沙田檢疫馬房進行 14日隔離檢疫。
3.馬仔改名的話，英文名最多 18個字，中文名就唔可以多過 4個字。
4.出賽前，馬主要填報名表兼畀 2千至 6千不等嘅報名費。
. 馬運亨通 澳洲買馬仔 馬德鐘 180萬做馬主
http://hot104.blogspot.com/2013/05/180.html. 馬運亨通 澳洲買馬仔 馬德鐘 180萬做馬主
http://hittt.blogspot.com/2013/05/180.html
