美麗誤會 梁詠琪為彭浩翔 押後佗 B

快將接拍彭浩翔新作的 GiGi，近日開始積極減肚，老公 Sergio為她編寫減肥餐單，每日更陪跑步做運動。

探熱針

美麗誤會　梁詠琪為彭浩翔　押後佗 B

國內電視台為爭收視，落重本製作不同類型綜藝節目，又動輒以百萬酬勞邀請明星歌手上節目表演跳舞、跳水真人騷。

睇錢份上，阿 Sa栢芝一 call即到，偏偏 GiGi梁詠琪推完《夢想合唱團》，再推《中國星跳躍》，加埋大大小小登台商演全部一口拒絕，保守計算損失近千萬。

連環推 job，加上身形忽然暴脹， GiGi大肚，不脛而走。

錯曬！早有心理準備做媽咪的 GiGi，卻因為彭浩翔，暫停造人大計。

加碼再加碼

跑步期間，兩公婆見到外傭放狗，忍唔住走埋去玩。

由中央電視台製作的公益節目《夢想合唱團》，雖然打正旗號做慈善，但每一輯被邀請擔任團長的歌手嘉賓，酬勞其實相當豐厚。

梁詠琪被邀擔任團長，但她卻一口拒絕。

「個節目要 keep住做兩個月，歌手每星期都要飛去負責做團長嘅國內城市做錄影，初初以為 GiGi唔捨得同老公分開太耐，電視台於是諗盡辦法，縮短錄影日子，再提高酬勞，點知佢都照推。」一名國內製作人說。

幾乎同一時間，由浙江衞視製作的《中國星跳躍》亦打 GiGi主意，希望她為慈善與其他藝人一起參與跳水訓練及比賽，但同樣被請食閉門羮。

「唔肯跳水，大家都知咩事，始終有一定危險，但佢連《夢想合唱團》都推，聽講 GiGi仲推咗好多搵錢商演，又話八月要返西班牙，見佢呢排肥咗，個個都估佢應該有 BB。」國內製作人續說。

度身訂造餐單

結婚一年半， GiGi與西班牙籍老公 Sergio人前人後一樣恩愛，加上一早講到明想有 BB， GiGi何時造人成功，一直受到關注。

記者致電 GiGi，答案是：「仲未有，暫時亦唔可以有住，因為一早接咗彭浩翔部新戲，所以好多工作都要推。」

至於身形暴脹， GiGi有另一番解釋：「以前怕上鏡肥，飲食會好節制，但我老公好鍾意食嘢，可能係咁，唔覺唔覺肥咗，令到大家有誤會。」

雖然 GiGi想做幸福肥師奶，但新戲就快開工，不得不盡快減肥投入工作，老公 Sergio任職食品研發，對食物營養有一定認識，由他親自為老婆編排營養餐單， GiGi依足吩咐進食兩個星期，加上 Sergio日日陪做運動， GiGi終於成功搣走十二磅多餘肉。

據了解，拍完彭浩翔新作《香港仔》後， GiGi八月會同老公返西班牙，再努力過！

只要人在香港， GiGi每日都會抽時間做運動 keep fit。

彭浩翔（左）即將開拍的《香港仔》，女主角除了 GiGi，還有在其作品《春嬌與志明》獲封金像影後的楊千嬅。

早前同懷有第二胎的蔡少芬一起出席活動，因 GiGi面圓身脹，看起來比 Ada更有孕味。

愛整甜品的 GiGi，經常親自下廚，想唔肥都難。

西人減肥法

GiGi暫停造人大計，還要將養回來的多餘肉一舉殲滅，全靠老公 Sergio為她設計餐單。

星期一到星期六：

起床喝一大杯溫水加檸檬，刺激腸道、增加飽肚感。

早餐：

果汁：蘋果＋紅蘿蔔＋檸檬＋一小片薑

一片麥麵包加新鮮番茄醬或燕麥麥皮＋低脂乳酪

注意：早、午餐之間可喝一杯以脫脂奶沖調的咖啡（走糖），或喝草本茶，盡量只在早上攝取碳水化合物

午餐：

自家製沙律：火箭菜或菠菜＋車厘茄＋不放油煎去皮雞胸肉＋少許果仁

注意：不加任何醬。

午餐和晚餐之間可喝草本茶或水

晚餐：

水煮一至兩大棵西蘭花（西蘭花含大量維他命，纖維和礦物質，一杯分量西蘭花含有一碗飯的蛋白質，但只含半碗飯的卡路里，且有抗氧和抗癌作用。）

可加紅蘿蔔、車厘茄或蛋白。

星期日：

一星期進行一次果汁禁食法。

從起床到臨睡前，只喝 6大杯含不同蔬果的蔬果汁，每隔二至三小時喝一杯，視乎適應能力而定。一天內攝取多達 20多種蔬果營養，可幫助身體排毒。

蔬果配搭：

•蘋果＋西芹＋羽衣甘藍＋檸檬＋薑

•紅菜頭＋青瓜＋紅蘿蔔＋蘋果

•紫椰菜＋西芹＋紅蘿蔔＋細香葱

注意：全日不能進食，可喝大量水或草本茶保持飽足感。

＊每天最少做 45分鐘運動，黃昏六點到晚上九點之間，屬身體處於做運動的最佳狀態，每天至少喝 1.5公升水。

. 美麗誤會　梁詠琪為彭浩翔　押後佗 B
http://hot104.blogspot.com/2013/05/b_16.html. 美麗誤會　梁詠琪為彭浩翔　押後佗 B
http://hittt.blogspot.com/2013/05/b_16.html