唔畀露 黃曉明洗衫當沖涼

黄曉明因為身形太 fit唔似中佬而逃過剝衫，雖然佟大為厚肉地，但其實鄧超（左）都好 fit喎，一樣要剝啦！一係叫海綿蛋糕着住背心沖涼吖！

FBI

唔畀露　黃曉明洗衫當沖涼

曾經將「 not at all」讀成「鬧太套」嘅「海綿蛋糕」黃曉明，試過錄影《中國夢之聲》時向李玟請教「從上面掉下來」嘅英文點講，連韓紅都忍唔住問佢學過英文未？好衰唔衰，海綿蛋糕喺今個星期四（ 30日）上映嘅新片《中國合夥人》入面，要飾演一個開英語學校嘅補習天王，好在海綿蛋糕夠專業，搵英文老師惡補，更用咗足足一個月背英文對白。

除咗狂操英文，海綿蛋糕仲要扮農村出身嘅鄉下仔，戴娘爆假髮之餘、又被導演陳可辛要求增肥扮中年發福，點知曉明哥肥面唔肥身，惟有裝假狗扮有啤酒肚。「記得有一場澡堂的戲分，原本是我、鄧超及佟大為都要脫，但導演不讓我脫，因為他說我一脫衣服太像健美先生，所以改成他們倆洗澡，我在旁邊洗衣服！」剝衫變洗衫，會唔會係出名勁貪靚嘅海綿蛋糕唔想增肥變核突，專登出蠱惑咋？

只露巨臂

擁有一對麒麟臂同結實胸肌，黄曉明冇得騷肌，真係嘥料！

為配合 70年代造型，黄曉明將長褲抽到上腰，加埋條阿叔皮帶，堅係土爆！

雖然英文唔好被網民笑到面黄，但海綿蛋糕死撐話：「我們這一代人，連老師都有口音，我們怎麼可能沒有？我堅持真聲上陣，絕不配音！」

《中》片除咗講兄弟情，仲有唯一感情線係黄曉明同中國名模杜鵑的青梅竹馬純愛。二人有激咀床戲，唔知 Baby會唔會呷醋呢？

戲中鄧超（左）、黄曉明（中）同佟大為（右）開辦英語學校白手興家，但成名後開始決裂。

. 唔畀露　黃曉明洗衫當沖涼
http://hot104.blogspot.com/2013/05/blog-post_29.html. 唔畀露　黃曉明洗衫當沖涼
http://hittt.blogspot.com/2013/05/blog-post_29.html