影子 style 鮑康兒

Beauty Hunt

影子 style　鮑康兒

初見鮑康兒（ Cherry）就覺得很像楊恭如，原來她跟楊恭如一樣選過亞姐，奪得香港區友誼小姐殊榮。

去年加盟王維基旗下的香港電視，由於可塑性高，分別在 3齣劇中扮演後生版的張可頤、廖安麗及何紫綸， Cherry反而好高興：「似其他人都係我 style吖！」

24歲的 Cherry是宅女一名，因為細膽又唔識同人溝通， 08年媽咪建議她參加選美練膽量便去選亞姐，她笑住話：「我住大埔，亞視喺大埔咪選亞姐， TVB太遠！」結果奪得友誼小姐卻三甲不入；更因三甲爆出造馬醜聞，亞視暫停跟佳麗簽約， Cherry惟有繼續做 model。

雖然入行只有一年， Cherry（右二）已拍了 9部電視劇，跟黃日華、李璨琛（右三）、劉浩龍等演過對手戲。

Profile

姓名：鮑康兒 Cherry

年齡： 24

身高： 161cm

三圍： 32、 23、 33

偶像：張國榮、 Natalie Portman

禦用少女版

直至去年她經 model公司介紹簽約香港電視，一年開 10部劇她就拍了 9部，而且大部分不是行行企企的角色，她說：「我入咗藝訓班，學咬字同方法演技，監製話我個樣可塑性幾高，好多角色都得。」

她最難忘分別在《客家女人》、《警界線》及《第二人生》扮演少女版張可頤、廖安麗和何紫綸。「扮張可頤最有挑戰性，佢係思考型，我要睇番佢以前嘅戲，學佢語氣，佢說話比較大聲同埋語氣硬啲，加埋啲化妝，我諗有七成似啩。我唔介意成日扮其他人，似其他人都係我 style吖！」現正拍攝《歲月樓情》的她會飾演𡃁模，是反叛少女，經常鬧爸爸薑皓文：「拍咗一集，導演驚個角色太乞人憎，可能要改少少劇本呀，我都驚觀眾好憎我！」唔驚乞人憎，最怕冇人講喎！

08年選亞姐， Cherry當選友誼小姐，姚嘉雯（中）及顏子菲（右）為冠軍及亞軍，但因造馬事件令簽約一事被擱置， Cherry表示：「冇後悔去選，否則 Elite模特兒公司唔會簽我，亦唔會入到香港電視。」

Cherry（中）做 model期間主力拍平面廣告，跟港姐出身的湯洛雯（左）合作出過 2012年月曆。

. 影子 style　鮑康兒
http://hot104.blogspot.com/2013/05/style.html. 影子 style　鮑康兒
http://hittt.blogspot.com/2013/05/style.html