已 58歲嘅蘇施黄，近年體弱多病，最近就試做生物共振治療法，產品聲稱唔只增強免疫力，更有助排毒。據知阿蘇最近一有時間都上去睇一睇，上曬癮。圖片
真面目
健康緊要 狂做「生物共振」 阿蘇 10萬排毒上癮
憑《蘇 Good》飲食節目鬧人鬧到出曬名的蘇施黄（阿蘇），曾經狂拍廣告，前年更開埋 45場 talk騷揚言「我要賺兩億」，可惜賺得多搞到身子弱，據知曾患乳癌的阿蘇近年不但患上類風濕關節炎，更搞到甲狀腺分泌失調，總之百病纏身。
已年過 58歲的阿蘇，始終身體要緊，今年除降低工作量，只幫商台開咪做《大玩派》及拍自家製作的飲食旅遊節目《阿蘇出駕》外，本刊得悉，最近阿蘇豪擲 10萬，於中環一間健康中心狂做 Bioresonance（生物共振）療程，務求排清毒素，養好身體，先可以同一樣 58歲的密友金燕玲長命百歲。
年前曾因乳癌接受過切割手術的蘇施黄，雖然大步𨂾過，近年卻不斷受類風濕關節炎及甲狀腺分泌失調困擾，百病纏身的阿蘇曾於訪問中大呻類風濕關節炎最攞命，痛起上嚟連急尿時隻手都冇力拉褲鏈。
內外夾攻保健
據知阿蘇為養好身子，最近除減少工作量外，還聽曬密友金燕玲話，由一直住開司徒拔道老牌豪宅玫瑰新村，搬去月租 6萬、樓齡已 40年的西貢清水灣大廈 2千 5百呎單位。除因租金比玫瑰花園平足 3萬元外，最大原因是西貢的空氣比市區清新，對身體復原有很大幫助。
外在因素搞掂曬，還需內在因素配合。據知阿蘇為強化免疫系統，最近豪擲 10萬元，到中環一間名為 Oasis of Hope的健康中心，接受一個名為 Bioresonance（生物共振）療程。知情人士透露：「最近阿蘇頻頻去中環 Oasis of Hope做呢個療程，佢話做完之後病痛少咗，個人精神咗。好多富貴客人上去，都撞過佢。」
「治療對身體好」
上週四（ 30日），本刊記者到商台向阿蘇追問療程一事，但阿蘇一早駕車由後門走人，之後由阿蘇透過商台公關杜小姐回應：「係呀，我係有做呢個療程，部機德國嚟，好出名。個治療對身體好，其他嘢唔多講。」
搬屋養生
阿蘇同密友金燕玲，經常行孖咇。但有傳阿蘇最近因沉迷賭馬，激嬲金燕玲，仲搞到嗌分手。不過金燕玲始終錫住阿蘇，最近仲迫阿蘇由住開嘅港島司徒拔道玫瑰新村，搬去西貢清水灣大廈（小圖）住。貪西貢空氣好，對身體有益。
位於中環的 Oasis of Hope保健中心，主打生物共振療法，到診人士要先做檢查，發現病源後，然後將含電磁場振幅波的儀器，用一個輸送筆振幅波頻輸送到患處，例如腳的關節有問題，就輸送振幅波頻到腳關節，聲稱可減輕痛楚咁話。
2萬起標
Bioresonance（生物共振）療法係於 1977年由 Franz Morell及佢女婿工程師 Erich Raschebut於德國發明。業界聲稱此療法可檢測各種疾病，然後治療。
而去 Oasis of Hope做生物共振，首先要付 1,500-3,000元做身體檢查，然後再由醫生介定需要接受什麼「生物共振」療程，而療程費用因人而異，由 2萬至 10萬港元不等。名模琦琦（小圖）亦曾幫襯過 Oasis of Hope。「我之前成日感冒，之後朋友介紹過我去做生物共振，發現我喉嚨一直有感冒菌，之後經過治療，已經斷尾。」
老友出賣 阿蘇飯堂改咗名
今年阿蘇雖然減產，但一樣麻煩一籮籮。上月初廣州有間名為「阿蘇飯堂」嘅餐廳經營，未經阿蘇同意，用咗佢個名做生招牌，激到阿蘇喺商台開記招同餐廳老闆劃清界線，「如果呢個人我唔識，我一定破口大罵，但點知呢個人我識，我唔知點處理……如果佢喺 17日前可以不再用我個名同相做生招牌，我一筆勾銷。」
事隔一個月，阿蘇透過商台公關向本刊報喜：「聽網民講，『阿蘇飯堂』個名已經收番。我就冇時間上去視察，不如你哋（記者）幫我睇啦！」
百病纏身
阿蘇有名、有事業，更有愛情，但一直沒有健康。近年阿蘇患過乳癌、類風濕關節炎及甲狀腺分泌失調困擾後，先知健康可貴。
. 健康緊要 狂做「生物共振」 阿蘇 10萬排毒上癮
http://hot104.blogspot.com/2013/06/10.html. 健康緊要 狂做「生物共振」 阿蘇 10萬排毒上癮
http://hittt.blogspot.com/2013/06/10.html
