自力更生 斟新片 搵私己 栢芝收最後通牒急返港

早前栢芝在溫哥華素里區出沒時，雖然車上亦有播住音樂，不過我行我素的栢芝仍選擇戴 head phone聽自家音樂，唔知有冇聽番自己首〈任何天氣〉呢？

真面目

自力更生　斟新片　搵私己　栢芝收最後通牒急返港

7月尾帶住兩子離港往加拿大定居的張栢芝，多次傳出返港消息，今月初 Lucas已於溫哥華正式開學，栢芝表面上全面歸隱。

不過連日來栢芝經理人公司 AEG卻說，栢芝一早已請假以辦理移民和幫 Lucas開學，但實情栢芝只請假到月初，期間亦只以 WhatsApp聯絡公司延長假期。據知 AEG已向她發出最後通牒，下令栢芝於本月底自動現身斟洽接新片事宜，而栢芝亦將會帶 Quintus回港， Lucas則會留在溫哥華返學，由家姐碧芝和友人代為照顧。

難得栢芝有機拍新片，搵多個私己錢傍身都應該。

張栢芝自 7月帶仔落戶溫哥華素里區後，即有傳她將退出娛樂圈安心湊仔。不過其經理人公司 AEG老闆餘毓興則稱，「栢芝確實定居溫哥華，但不會退出娛圈，之後更會溫哥華、內地兩邊走。」

商演冇影

上週五栢芝本有份出席一演唱會，海報在國內公布近 2個月，但 9月 13號開騷， 9月 11日 AEG公司突然發聲明說栢芝唔到！有網友買咗人仔 1,280嘅飛準備見栢芝卻撲空，栢芝方面稱係栢芝根本未應承會出席就宣傳曬喎！

湊仔唔返港

老闆射住

栢芝於 11年加入國內 AEG經理人公司，其後更成立自家公司「張栢芝工作室」，據知 AEG老闆餘毓興（右二）在背後出唔少力！

前年加入國內經理人公司 AEG的張栢芝，據知因栢芝加入而一度令幕後老細揼水更手鬆，更不惜為栢芝開一間子公司「張栢芝工作室」；而一向玩性格的栢芝更要求話事權，除了接電影時要加意見，是否出席電影宣傳亦由她自己話事。如今歸期一改再改，據知經理人公司已被迫推掉幾個賺錢商演，最終餘毓興為向幕後老細交代，惟有出最後通牒，要栢芝在本月底蒲頭。

「栢芝初時過溫哥華係想試住幾星期，適應唔到就返香港，適應到就搞埋入學手續，後嚟話會喺 Lucas開學前返，之後又話要陪 Lucas開學，結果一拖再拖，上星期老闆忍唔住打畀佢，因為公司已經收到劇本要畀栢芝，有啲文件又要佢睇，而且有啲商演都要確定佢出唔出席得到，所以點都要迫佢返嚟。」知情人士說。

搵錢大過天

有傳關錦鵬預咗個老婆婆角色畀栢芝，但最近導演馬偉豪亦加入咗 AEG，睇嚟栢芝拍馬導新片機會高啲喎！中新社圖片

去年栢芝的四部電影票房雖然仆直，但無損導演搵呢位過氣影後繼續演戲，據知工作室內已有幾份劇本等栢芝回覆，包括明年開拍，男一已鎖定由甄子丹飾演的電影《夫妻殺手》。

早前又有傳關錦鵬監製的新戲會找栢芝飾演老婆婆，雖然話栢芝晨早講明開工要照顧兒子時間，不過成日拖，人哋好難就曬你喎！

眾叛親離？

自 2000年開始， Emily（周靜儀）已經負責湊張栢芝，低由助手高至經理人一腳踢，栢芝離婚後 Emily亦有份陪她度過兼解圍。自 11年栢芝簽約 AEG後，栢芝開始與 Emily疏離，甚至開工作室亦冇預 Emily一份，雖然栢芝冇講明唔用 Emily，不過她亦自知冇利用價值，近年只好幫栢芝喺香港接吓散 job， keep住個名吊命。

離棄經理人

去年 5月 Emily出席公開活動替栢芝慶祝生日，不過此公開活動後， Emily冇再出現，而 AEG和栢芝的微博中亦再冇 Emily出現過，到底邊個唔要邊個呢？

助手轉會

在 2011年前， Andygaga都曾經幫過栢芝做助手，二人感情本來唔差，可惜最終都係各行各路。網上圖片

Emily在微博上分享最後一張與栢芝的合照已是去年 10月的事。網上圖片

剛爆出離婚的張栢芝，面對鏡頭焗笑，但身前的經理人 Emily和身後的助手 Andygaga陪伴過難關一刻，真係笑唔出。

曾經係栢芝同學仔嘅 Andygaga喺 11年開始任栢芝助手，當時 Emily仲喺微博叫芝粉關注佢添！

由於健康問題， Andygaga去年尾向栢芝請辭，不過轉個頭就做咗範瑋琪助手，仲成日四圍去食好嘢，係咪真係健康問題呢？

靠栢芝做王牌

栢芝的經理人公司 AEG喺國內 run咗幾年， 11年傾到栢芝即有王牌喺手發大嚟做，旗下藝人有張馨予和 Chrissie較為熟悉，而老闆餘毓興喺國內亦薄有名氣。

張馨予

去年簽約 AEG成為栢芝師妹，更在公司支持下剛贏「被坐臺」官司獲賠 6.4萬（人民幣），嚟緊張栢芝工作室的新劇仲畀佢擔正添！

周秀娜

經理人合約現由一手發掘 Chrissie成名的 Roy和 AEG共同擁有， Roy主要負責香港工作，而國內和電影就交由 AEG負責。

顧又銘

Chrissie師弟，主力在國內拍電影拍劇，早前出寫真，近日因袒胸露腹肌賣月餅廣告而成肌男熱門。

. 自力更生　斟新片　搵私己　栢芝收最後通牒急返港
http://hot104.blogspot.com/2013/09/blog-post_8727.html. 自力更生　斟新片　搵私己　栢芝收最後通牒急返港
http://hittt.blogspot.com/2013/09/blog-post_8529.html