社交圈
一週精選
今個禮拜社交圈好熱鬧，真正目不暇給，精選幾則同大家分享。
徐子淇 最爆
上週二，四叔捐款四億元興建的科大李兆基商學大樓啟用，徐子淇身穿 Carven及膝裙，一副學生 look出席。以為佢密密實無甚睇頭，點知一側身衫鈕之間露出肉色 bra（右圖），身材好得驚人。晚上 Dior晚宴，她一身紅裙更索爆全場，問是否因老公無到就可以 sexy示人？徐子淇笑稱性感唔使老公批准：「晚裝有些少性感可以接受，個女都話我平時啲衣著好似 daddy咁密實。」
劉嘉玲 最識做
劉嘉玲的餐廳上週四開幕，著住露背裙的她果然識做，不但出動私夥鑽飾，仲不停 360度自轉，務求在場傳媒影到佢性感的一面。對於有傳媒話佢查看偉仔的短訊以免周迅介入，嘉玲不但唔嬲，更風騷反問記者：「你覺得我會唔會咁做？我咁忙。」
羅秀茵 最自我
賭王二房兒子何猷龍與極少露面的太太羅秀茵攜手到場，何太話身穿的白長裙是另一牌子 Elie Saab。咁有 guts，唔怪得公開「違反」香港政府呼籲生兩個的人口政策，二人口徑一致話：「我冇計劃生多個，有個女（七歲的何開梓）就夠。」
陳諾韻 最搞笑
大劉仔劉鳴煒以華置副主席身份到賀劉嘉玲開鋪，鏡頭前和甘比一家少有對答的他，鏡頭後和甘比姊妹有講有笑。話說劉鳴煒剪綵後想除襟花，甘比妹陳諾韻（圓圖）即話：「你唔要？俾我呀。」甘比笑對劉鳴煒說：「你送花俾佢？佢未收過花㗎！」妹妹即時好尷尬，但氣氛十足一家人。
. 一週精選
http://hot104.blogspot.com/2013/09/blog-post_501.html. 一週精選
http://hittt.blogspot.com/2013/09/blog-post_8984.html
