冷落老婆 馬德鐘換呔大過天

俾錢𢱑水吹

換好呔，馬德鐘入車房俾錢。其間佢繼續同老闆狂吹，完全唔想停。

媽咪姐

冷落老婆　馬德鐘換呔大過天

馬德鐘同老婆張筱蘭有幾恩愛大家都知，之前橫店發生嘅「狼啜事件」都冇影響夫妻感情，繼續手拖手力證情不變。今年五月為慶祝結婚二十周年紀念，兩公婆仲影咗輯婚紗照，恩愛爆棚。

以為雨過天青啦，點知早幾日馬太微博有「微言」，暗示被老公冷落，連 5分鐘傾偈時間都冇，惟有做運動發洩，仲隨即上載「運動照」示威。不過媽咪姐發現，馬德鐘並唔係忙到 5分鐘都冇喎！上周五（ 13日）佢單拖由西貢屋企出發，自駕到九龍城換呔，其間同車房老闆吹水十幾分鐘。有時間吹水但冇時間同老婆傾心事，馬生，今次你又斷正嘞！

雞啄唔斷

馬德鐘先同車房老闆遠距離研究架車，後來兩人落手逐條呔驗，互相交流車經。

老婆呻爆

馬太喺微博暗示老公搵藉口唔陪佢。當中「晴天雨天，實在經歷太多」，似乎翻舊帳，暗示橫店「狼啜事件」喎！

. 冷落老婆　馬德鐘換呔大過天
http://hittt.blogspot.com/2013/09/blog-post_5181.html. 冷落老婆　馬德鐘換呔大過天
http://hittt.blogspot.com/2013/09/blog-post_5181.html