八卦嘢(八卦野) [八卦o野][日日818] : 蝦餃返學有特權　 Kelly收投訴

2013年9月12日星期四

蝦餃返學有特權　 Kelly收投訴

為咗唔想令囝囝校園生活曝光， Kelly嚴禁老師在課堂影相，結果惹來其他家長投訴。

探熱針

蝦餃返學有特權　 Kelly收投訴

潮媽 Kelly陳慧琳的四歲大仔劉昇（蝦餃仔）今年升讀 K2，並由紅磡校舍遷往九龍塘返學。轉新環境，有指 Kelly同學校約法三章，不允老師上堂時幫學生拍生活照。

天後開到聲，校方照單全收，向蝦餃仔就讀的班級下禁攝令，其他家長知道後紛表不滿，並向學校投訴。

其他影片

禁攝令

蝦餃仔就讀的九龍塘 St. Catherine's國際英文幼稚園，老師會定期在上堂時為學生拍攝生活照，然後放上學校網頁，讓家長自行下載相片留紀念。

為免囝囝校園生活曝光， Kelly即時「怪獸家長」上身，向校方提出反對，更奇是校方竟答應照做，至於同蝦餃仔同班的學生家長，卻因長期收不到仔女生活照，曾致電學校投訴。

「有同蝦餃仔一班嘅家長，見隔籬班啲仔女成日有相睇，咪返去問老師點解佢哋冇，老師解釋話因為有個別家長唔想小朋友上堂俾人影相，講到呢度大家就知咩事啦。」一名家長透露。

要為電影飛到歐洲開工的 Kelly，於上月三十日趕及返港陪囝囝開學，捱住眼瞓管接管送，但蝦餃仔一見到菲傭姐姐，竟然甩開媽咪隻手，令 Kelly當堂發曬𤷪𤺧。

蝦餃仔一見工人，即甩開媽咪手上前嗲工人。

個仔寧願黐工人都唔黐自己， Kelly冇癮之餘，更相當𤷪𤺧。

上週，蝦餃仔放學惹來大批傳媒拍照， Kelly更唔怕地下濕，跪低同囝囝影合照。

特訓蝦餃仔

父母個個都想仔女「贏在起跑線」， Kelly亦不例外，據知她收到風男拔小學改制「玩拔尖」，讀緊 K2幼稚園生，只要夠資格便可直接跳班報小一。為了「越級」挑戰成功，今年暑假， Kelly為蝦餃仔報讀了 Kiddy Master教育中心的單對單英文班，主要訓練囝囝英文朗誦、講故事以及面試技巧，每堂一千，蝦餃仔上足八堂。

要培養拔尖蝦餃， Kelly多多錢都肯俾。上月暑假未完，還未剪短頭髮的蝦餃仔，由菲傭姐姐陪同到位於九龍灣的教育中心上堂，見到有記者，菲傭姐姐九秒九抱少主衝入校舍。

已經大個仔，返學唔再喊的蝦餃仔，「雙腳唔着地」的港孩本色仲未戒甩，放學即刻扭抱抱，用力拑實菲傭姐姐，一齊上車返屋企。