杜汶澤教路 Da Da拖阿媽認錯 杜汶澤,M1,

在道歉記者會自插三分鐘， Da Da跟施念慈即閃。

探熱針

杜汶澤教路　 Da Da拖阿媽認錯

今年八月，陳靜（ Da Da）以壓力大情緒病發，臨時劈炮辭演《喜愛夜蒲 3》，後被指有澳門娛樂猛人撐腰的她，懶理違約留下手尾，出埠遊山玩水，直至今個月，又失驚無神宣布復出，而早前口口聲聲要雪藏她的經理人施念慈，亦網開一面無追究。

原來 Da Da過去兩月一直諗計求解約，但經理人堅持唔放，為免夜長夢多，錯失機會，背後軍師杜汶澤又再教路，叫 Da Da帶埋阿媽上門斟茶認錯，並願意無條件「加監」四年，跟飛唔甩的施念慈繼續合作。

其他影片

加監當補償

月前被娛樂猛人飛甩後，一直堅持與經理人公司解約的陳靜終於知驚，唔再企硬！為要爭取機會趕及接拍杜汶澤下月開拍的新戲， Da Da再得軍師從中教路，盡快與經理人修好。

「 Da Da以為自己可以解到約，所以一直唔肯道歉，仲要離開香港周圍去玩，甚至瞞住 Celia（施念慈）自己去傾電視劇。直至早排俾個男人飛咗，無咗條水喉，佢又唔捨得用錢買番自己份約，先扮死狗同 Celia和解。

急住修補關係，因為 Da Da好希望拍杜汶澤開的新戲。

「阿澤知道 Da Da解唔到約，佢已經預備換人，諗好咗搵 Vivian（周秀娜小三羅彩玲）頂佢個角色，不過老闆王晶覺得 Vivian孭唔到飛，如果 Da Da唔得，就不如唔開；阿澤又唔想，所以咪教 Da Da帶埋阿媽去同 Celia認錯， Celia都好受佢呢套，但就要 Da Da加長合約年期。」知情者說。

聽我講，實掂。

（設計對白）

Da Da在記者會喊住向有關人等道歉時，施念慈在旁𥄫到實，二人更未有應記者要求合照。

《喜愛夜蒲 3》開鏡當日， Da Da都有出席，但翌日就以情緒病為由辭演。

林建嶽意思

潛水多時，跟經理人傾掂數的 Da Da本週二（十一月五日）開記招公開道歉，道完歉即有工開！據了解，因為她臨時甩底，以致陣腳大亂損失百萬的《夜蒲 3》監製伍建雄，知道 Da Da和經理人恢復關係後，曾致電出爾反爾的 Celia，但對方卻指放 Da Da一條生路，是幕後老闆林建嶽意思，強調自己根本話唔到事。

「 Celia都知自己咁做冇曬誠信，所以咪攞大老闆個名出嚟壓人，今次開記招道歉，係希望有個交代，等之後 Da Da出番嚟，冇咁醜怪；但佢又怕 Da Da講多錯多，所以唔俾佢响記者會答問題。」知情者說。

週日（三日）下午三點幾，得經理人放一馬的 Da Da跟朋友泰國還神回港，明顯脹咗的她，甫見記者即耷低頭雙手合十。問到是否由杜汶澤獻計搞掂經理人，她驚青到問非所答：「我同朋友去旅行，而家去完旅行返嚟。」問她如何向 Celia認錯？她更擰曬頭，無回應。

過去三個月冇事做， Da Da除跟老友 Jeana夜蒲，下晝起身就會到屋苑附近麵包店買包，生活悶爆。

上週四出發到泰國度假， Da Da低胸裙心情靚爆，不過被寸扮病唔開工後，她隨即聲稱依然要食藥控制情緒，返港時更包到冚，唔敢風騷。

（《蘋果日報》圖片）

雖然攞過獎，但 Da Da在新戲中一樣要露，咪咪冇得收埋。

阿澤令 Da Da升呢獲「最佳女配角」，因此她對阿澤言聽計從。

同擁巨胸的羅彩玲，一度被阿澤睇中頂 Da Da新戲角色。

知錯

對錯無絕對！但忍一時之氣，認錯扮矮仔，換取一條生路，或是修補一段值得珍惜的關係，面子絕對不是成本。

陳曉東

因為前經理人關係，陳曉東跟一手發掘他的歌唱老師戴思聰反目，直至雙方約滿不再合作，他才主動邀請恩師食飯，當面謝罪，之後兩師徒回復來往。

傅穎

傅穎跟前度羅仲謙因愛成恨，大爆對方曾對她動手，結果惹來同一經理人公司老闆雪藏，事後她也表示自己做法幼稚，寫千字悔改書，公開道歉。

鄭秀文

走紅後，脾氣變得暴躁的鄭秀文，被踢爆經常將工作壓力發洩在前助手阿爽身上，一籮暴行，但自從信教後， Sammi由「臭四」變「鄭四萬」，自知對助手有愧的她，早前更公開認錯。

. 杜汶澤教路　 Da Da拖阿媽認錯 杜汶澤,M1,
http://hittt.blogspot.com/2013/11/da-da-m1_7.html. 杜汶澤教路　 Da Da拖阿媽認錯 杜汶澤,M1,
http://hittt.blogspot.com/2013/11/da-da-m1_7.html