八卦嘢(八卦野) [八卦o野][日日818] : 友誼大晒　嘉玲 Kate Moss大方撞衫嘉玲,劉嘉玲,MW,

2013年11月22日星期五

嘉玲同 Kate老友到齊齊著住舖頭贊助嘅中式外套同高踭鞋，完全唔介意撞衫。

劉嘉玲最近真係「紅」運當頭，先係主演嘅電影《過界》入圍今年康城影展「一種關注」外，又忙住搞生意，繼早排開餐廳後，上周六（ 16日）佢同鄧永鏘爵士合資逾千萬嘅家品店「鄧鄧鄧鄧」又開張大吉。

當日嘉玲姐好大面，打友情牌請到英國超模 Kate Moss專程飛過嚟剪綵，對方仲分毫不收㖭！當日，媽咪姐發現 Kate同嘉玲撞衫兼撞鞋，向舖頭職員八嚇，原來兩件中式外套同高踭鞋都係呢間舖嘅出品。哦，咁 Kate都唔係完全零報酬，起碼有衣飾贊助，仲可以同老友敍敍舊，著嚇「朋友裝」，唔錯噃！

唔講唔知，原來嘉玲同 Kate Moss係老死，佢哋一見面就捉實手仔密密斟。

偉仔真係唔話得，老婆接受訪問期間，為咗唔搶老婆鏡，走入後台匿埋。