2013年1月28日星期一

周家蔚剖腹產子洪天明唔敢剪BB臍帶

周家蔚剖腹產子洪天明唔敢剪BB臍帶

周家蔚今晨到醫院準備剖腹產子

周家蔚今日將開刀剖腹產子，今晨約8時40分，洪天明駕車載著大肚家蔚、天明的生母和家蔚母親齊齊現身九龍法國醫院，戴上黑超遮蓋素顏的家蔚一下車便立即圍上頸巾，以免著涼，而帶上口罩的天明則透露爸爸洪金寶因要工作，稍後才會過來醫院。他與老婆企定定讓記者影過合照後，便一同進院為生仔作最後準備。其後，天明的生母和家蔚的母親各拉著一個行李箱跟隨進內。

周家蔚今午兩點手術，天明話唔係擇時辰開刀。

洪天明淆底唔敢剪BB臍帶

快做爸爸的洪天明陪完老婆周家蔚辦入院手續後，約10時許下樓接受訪問，昨日表示會為BB剪綵（剪臍帶）的他竟臨時淆底，他說：「我仲考慮緊，謝霆鋒同我講佢當時冇剪到係因為覺得殘忍，好似親手傷害個BB咁，我諗諗下都覺得係，所以仲考慮緊。」他又表示家蔚會下午2時許開刀生龍仔，問他是否擇過時辰才選擇2時生仔？他否認謂：「唔係，我同家蔚都係基督教。」他又證實剛才入院時同車的兩名女子分別是自己親生母親和家蔚的母親。

今朝8點40分，洪天明揸車陪老婆到聖德肋撒醫院待產。

落車喇，小心呀老婆大人﹗

圍番好條頸巾，千祁唔好凍親。

側面睇42吋巨肚

正面睇

好喇，影埋呢張，洪太要準備入院生B喇﹗

洪太同周太兩位媽咪分別各拖一件行李，相信係家蔚呢幾日嘅衫褲日用品。

好喇，準爸爸要幫準媽媽辦登記手續喇﹗

終於見到天明個緊張樣﹗