師傅拜門 跟蝦頭學戲 麥玲玲鬧出火

拜蝦頭為師的麥玲玲，送上數千元的名牌三點式作拜師禮物。蝦頭讚呢位學生好有心：「我好鍾意露㗎，你送呢份禮物俾我，簡直如我所願。」

探熱針

師傅拜門　跟蝦頭學戲　麥玲玲鬧出火

離開詹瑞文的劇團自立門戶搵食的蝦頭（楊詩敏），除了夥拍黃子華演出無綫劇《盛女 My lady》及搞舞台劇《 Up cycle me》外，再開多瓣教做戲，「魔鬼胸」蔚雨芯和麥玲玲也是她的入室弟子。

為將前輩級學生麥玲玲由風水師操成演技派，蝦頭發圍喪鬧。唔鬧唔開竅，麥玲玲果然中招！

其他影片

俾農夫踩

由睇風水踩界拍電影的麥玲玲，跟農夫 rap歌開始做到串星，演藝事業愈撈愈旺，還與無綫簽埋部頭演員約，稍後將與歐陽震華合作新劇《牛頭唔搭馬咀》，飾演雜誌社老總一角。唔想做「小學雞」演技失禮人，麥玲玲的起心肝，跟年紀細她一個圈的蝦頭學演戲，為表誠意，第一日上堂，即送上 Gucci三點式當交學費。

收到見面禮的蝦頭老實唔客氣：「玲玲姐，你點知我鍾意露㗎？著住出鏡，一定『掙』爆個電視畫面。」

「第日我去唔去到荷李活，睇你啦！」麥玲玲落足嘴頭。

要七情上面演戲，麥玲玲自認無能為力。「我淨係識笑，其他表情都做唔到，所以一直局限做笑片。嚟緊我要做個惡老總，但我連鬧人都係笑笑口！農夫都寸過我戲屎，所以搵蝦頭求救，一雪前恥。」

為讓麥玲玲開竅，蝦頭失驚無神惡師上身，指住佢喪鬧，嚇得她要拍心口定驚。但呢一招確令玲玲師傅學到嘢，即時演出有火。

麥玲玲自爆曾被老友陸永寸戲屎，因而激發她拜師學戲唔衰得！

受硬唔受軟

經過一堂指點，麥玲玲終能七情上面演惡上司（小圖）。蝦頭見佢有改善，再過兩招俾佢，扭曬腰趷曬籮，原來佢模仿緊麥玲玲的美少女助手。

有信心將麥玲玲徹底改造的蝦頭，教她由想像開始。「你想像吓我係你嘅下屬，做嘢好唔掂，烏龍百出，累你出醜，搞到你着曬燈，鬧我啦，大聲啲……」麥玲玲嬲極都嬲唔出，有人從旁提她可以將蝦頭幻想為嗌過交的李丞責，點知麥玲玲不怒反笑。

冷不防蝦頭忽然發圍，指住麥玲玲喪鬧：「搞咩你，死老『虔』婆，你同我死開！」毫無心理準備的麥玲玲果然被嚇親，破天荒做出驚恐表情。

唔嚇唔開竅，蝦頭成功打通麥玲玲「死穴」；試演惡老總時，鬧人鬧到七情上面。

天生畸戀

蝦頭上堂好嚴肅，但一落堂，即變臉要麥玲玲贈番幾句。麥玲玲屈指一算，指一百五十磅重，其貌不揚的蝦頭原來是溝仔能手。

「睇唔出你有咁多桃花，仲係一膽拖幾腳嗰隻。不過你係要有不正常戀，對方一係好大年紀，一係就姊弟戀先可以開花結果。」見麥玲玲言中，蝦頭即自爆曾經同導演火火拍拖，男友「品種」超出港男，老友小儀對她又羨又妒。「我好多人追㗎，男友有韓國人、北京人，我去酒吧飲吓嘢已經可以識到仔，小儀叫我食唔曬就過啲俾佢，哈哈哈！」

離開師傅詹瑞文，獨立發展的蝦頭於十月初與蔚雨芯、狄易達做舞台劇《 Up cycle me》，將搞笑功力過俾新人。

客串過多套電影的麥玲玲，齣齣都係做開心果，佢話：「做番自己，冇演技可言。」

最佳女主角

原名楊詩敏的蝦頭，於 99年在演藝學院以榮譽學士深造文憑畢業。 06年演出舞台劇《愈笨愈開心》演一名天水圍師奶大獲好評，同年贏得香港戲劇協會舞台劇獎「最佳女主角」。 07年加入詹瑞文的 PIP劇場，成為他的得意門徒，參演過《十分愛》及《我的最愛》等電影。

. 師傅拜門　跟蝦頭學戲　麥玲玲鬧出火
http://hittt.blogspot.com/2013/09/blog-post_7271.html. 師傅拜門　跟蝦頭學戲　麥玲玲鬧出火
http://hittt.blogspot.com/2013/09/blog-post_7271.html