全職媽咪 郭可盈 教女唔呵住

有女萬事足的郭可盈，近年進入半退休狀態，全副心機湊女。

探熱針

全職媽咪　郭可盈　教女唔呵住

一○年，郭可盈高齡誕下寶貝女林天若（津津），轉眼已三歲。堅持全天候湊女的她，半休拍劇免問；全副精力培育「十項全能」資優兒，報讀連串興趣班外，連去又一城上溜冰課，全程媽咪也親自陪住。期間，津津一度撻低，只見郭可盈若無其事，鼓勵女兒自己起身，教女有方。

其他影片

津津攞住雪糕大啖大啖食，非常滋味。

食完雪糕，津津走到窗前，又唱歌、又跳舞。

樣樣學齊

老公林文龍一度被爆在內地出軌，全靠女兒津津出世，兩公婆成功化解婚姻危機。

四十歲先做媽咪，郭可盈退下火線，暫停拍劇，只偶然接內地商演或拍廣告執快錢，其他時間，全副精神放在女兒身上。每日定時定候親自湊返學，郭可盈又為女兒報讀多個興趣班，包括彈琴、唱歌、跳舞、畫畫、遊水、溜冰等樣樣學齊，近乎十項全能。三歲人仔，津津已考獲鋼琴初級證書。

「可盈屋企環境好，佢細個爸爸媽媽樣樣都俾佢學，而家佢做人媽咪，照辦煮碗，總之個女想學乜佢都贊成，可盈話細路乜都要試吓，先知自己究竟對邊樣有興趣。津津最鍾意係唱歌跳舞，好有音樂天分，喺學校表演都唔怯場。」郭可盈身邊人說。

要培養子女成功取得名牌小學入場券，運動同樣不可忽略。周詳的郭可盈早前更為津津報讀了花式溜冰課程，學費八百元包五堂，每堂三十分鐘；出錢又出力的她，更親自陪女兒到又一城的溜冰場上堂。

當日下午四時半，郭可盈與津津、外傭及一女子先到商場的越南餐廳輕食，一坐低，津津便要食雪糕，同行女子於是行去餐廳對面的雪糕店買雪糕，大啖大啖食完雪糕後，津津開始發揮「坐唔定」本色，不停擺 pose俾媽咪影相，又走到窗前扭身扭勢跳舞。

初學溜冰的津津（箭嘴），練習平衡動作。

津津上堂期間，郭可盈與友人一人揸住一部電話，幫阿女影相。

自己起身

夠鐘上堂。可盈拖着女兒一齊行去溜冰場，同行女子用電話拍下整個上課過程，由於是初學階段，津津先要學懂張開雙腳站立，練習平衡動作，上堂半個鐘，對教練的指示，津津表現相當留心。

半個鐘眨吓眼就到，著住溜冰鞋的津津左搖右擺行去搵媽咪，搞到失平衡跌倒，見到寶貝女兒成個撻低，可盈未有驚呼狂叫，甚至無立刻上前扶起，反而淡定在旁鼓勵女兒自己起身，有計！

見到阿女仆低，郭可盈未有上前扶起，只鼓勵女兒自己起身。

津津三歲生日，郭可盈為她舉行生日 party，用「 Magic Kingdom」做主題，花費三萬。

林文龍簽約王維基後，積極拍劇賺錢養家。

久休復

近幾年無綫一眾花旦群起生 B並淡出幕前做全職媽咪，偶然戲癮發作，才復出賺奶粉錢。

關詠荷

06年為張家輝誕下女兒 Brittany後，關詠荷差不多全職湊女， 09年為無綫拍攝《五味人生》後更全面隱退。相隔四年，關詠荷終於復出與老拍檔歐陽震華合作《情逆三世緣》，並大獲好評。

陳慧珊

07年與丈夫鍾家鴻誕下囡囡 Mira後便消失幕前，全副精神湊女及修讀碩士學位。近日為曾志偉監製的新劇《 M Club》出山，據知陳慧珊另外還簽了無綫兩部劇。

蔡少芬

今年 3月，蔡少芬再為老公張晉誕下細女，坐完月便馬上復出搵奶粉錢，廣告、拍劇、剪綵乜都做，短短幾個月 800萬袋袋平安，月前她到上海拍新劇《爆米花》，老公及兩個寶貝女闔家飛上去陪開工。

. 全職媽咪　郭可盈　教女唔呵住
http://hittt.blogspot.com/2013/09/blog-post_5374.html. 全職媽咪　郭可盈　教女唔呵住
http://hittt.blogspot.com/2013/09/blog-post_5374.html