泵脹變中坑 23歲 B仔激似韋家雄

同女友睇波鞋的 B仔鍾嘉浚，凸出個肥腩，加埋打扮，有麻甩 feel。

探熱針

泵脹變中坑　 23歲 B仔激似韋家雄

阿 B（鍾鎮濤）與前妻章小蕙所生兒子鍾嘉浚，眨吓眼已經二十三歲，年紀輕輕，但已凸曬腩麻甩味又重，泵脹外形，跟六張依然 fit爆的阿 B兩回事！小時候被稱 Bon Bon的鍾嘉浚，反而激似無綫綠葉韋家雄。

其他影片

一年脹過一年

只有五呎五吋的鍾嘉浚，跟老豆阿 B高度差一大截。

隨母長居美國，以高熱量食物為伴，鍾嘉浚一年比一年泵脹，肥腩已成為重災區，廿歲出頭，外形卻似四十多歲的中坑，全無父親健碩有型的優良基因。反之，眉粗眼細、肥肥矮矮的長相，同無綫綠葉王韋家雄十足孖生兄弟。

凸腩

側睇， B仔更加脹爆。

同女友睇波鞋的 B仔鍾嘉浚，凸出個肥腩，加埋打扮，有麻甩 feel。

綠葉王韋家雄

我哋係孖生！（設計對白）

女友箝住唔俾買

雖然 B仔渾身佬味，但阿 B卻爆兒子大把女仔追。今次返港，他更帶埋女友同行見家長。

早前 B仔與女友行觀塘 apm，似阿媽章小蕙肥底但絕唔大使的他，在運動用品鋪主攻特價貨，波鞋揀完又試試完又揀，跟女友商量後，決定唔買。

有個購物狂阿媽做人辦， B仔揀女友明顯要不一樣。 B仔女友樣貌麻麻，打扮樸素，但好在知慳識儉；拍拖行街，食 food court全程主力 window shopping，女友一擰頭， B仔就聽命，齋睇唔買。女友的節制能力，跟大使章小蕙簡直南轅北轍。

女友雖其貌不揚，仲要剪個跟八兩金幾分似的齊蔭頭，但黝黑皮膚予人開朗及運動型的女孩。

11年

鍾意食嘢嘅 B仔，前年仍是臉尖尖，未有佬味。

08年

一家出席派對，當時 18歲，未泵脹的 B仔還保住老竇遺傳的帥氣。

04年

黐住老竇的日子， B仔踩單車做運動，當時 14歲，仍算靚仔。

年幼時的 B仔，跟妹妹嘉睛（左）一樣人見人愛，係個靚小孩。

阿仔做乜搞成咁！（設計對白）

六十歲的阿 B，時刻將自己操到最 fit。睇嚟佢真係要過兩招俾個仔。

阿 B冇叫減肥

自父母離異， B仔隨母長居美國，被安排入讀軍校中學，現仍於美國攻讀大學課程。早前暑假返港， B仔一度當起父親助手，跟阿 B返內地登台做阿四。

對於 B仔泵脹激似韋家雄，老豆阿 B聞言即大笑：「我呢啲極品（高大有型）嚟㗎，好難學嘅！我冇叫佢減肥，佢嘅嘢佢自己決定。」問 B仔有否帶女友讓他過目？阿 B保留地說：「有！不過阿仔唔鍾意我講佢嘅嘢，關於佢嘅嘢唔方便透露。」

從美國回流返港的章小蕙，與胞妹搬進跑馬地。其身形跟兒子一樣，日漸膨脹，巨躉現曬形。

B仔跟母親章小蕙的的關係向來麻麻，過往不時被發現他在 fb力數阿媽不是。

小蕙險遇白頭陳

13年前

現在的白頭佬，跟十多年前分別不大，仍然健碩有型。

分開住，但阿 B父子感情要好，反而母子關係一直麻麻。

年前阿 B女友範薑跟章小蕙胞妹章小婉在寓所大堂爭執， B仔同細妹嘉晴在 facebook表態，力插阿姨及母親是「老鼠家庭」，又指章小蕙「自私任性只顧形象」。

之後， B仔又力數阿媽麻煩長氣，是他兩年駕駛生捱中，最差的一個乘客。「她不斷騷擾我，如說不要跟車太貼、音樂聲太大、轉彎太快、但坐其他司機的車，車比我快卻沒問題……駕車接載了她兩年，她每天給我苦頭，沒有新的事。」

據悉，早前章小蕙返港，跟胞妹章小婉居於跑馬地雲地利道，與梅媽為鄰。 B仔脹爆，章小蕙亦不遑多讓。上月尾，章小蕙坐的士返家不久，前度白頭佬陳曜旻亦路過附近，只差一點點，便撞到正。年過七十的白頭陳，身材 keep住 fit爆，着鞋唔着襪造型，無可否認，型過廿𡃁B仔！

差點相遇

章小蕙返上樓不久，其前度白頭佬陳曜旻亦路過，無緣碰面。有七張的白頭佬仍然肌肉結實。

錯配

人有相似，其實圈中有不少錯配，樣貌身形跟有血緣關係父母完全唔相似，反而似足人哋父母，遺傳因子大兜亂。

小籠包　鄭則士

潮媽陳慧琳身形樣貌弗爆，不過細仔劉琛（小籠包）竟然似足鄭則士，就連她都自爆在家中叫小籠包「 Kent哥（鄭則士暱稱）」，萌爆小籠包確係跟父母好唔同樣。

王祖藍　黃光亮

豐唇加大鼻的王祖藍出道已被指超似黃光亮，更有傳黃是他的生父，去年，王祖藍出面澄清，以「死了的阿爸會激到翻生」才完全平息傳聞。

. 泵脹變中坑　 23歲 B仔激似韋家雄
http://hittt.blogspot.com/2013/09/23-b.html. 泵脹變中坑　 23歲 B仔激似韋家雄
http://hittt.blogspot.com/2013/09/23-b.html