主頁>娛樂圈 >娛樂追擊>狄易達撻生魚
狄易達同蔚雨芯（Rainky）準備為老闆陳百祥嘅旅遊節目《叻哥遊世界》去北京拍攝，仲會入住高級滑雪resort歎世界，所以佢哋趁出發前，專誠去觀塘「PLAY室內滑雪中心」學習。
由於佢哋係滑雪初哥，一開始時難免一仆一碌，慘變撻生魚，但達仔憑舞蹈天份，縱使有腳患，三兩下手勢已滑得有板有眼！相反Rainky就雞手鴨腳，仲撻到四腳朝天，達仔笑說：「跟親叻哥出埠都豪玩豪食，所以辛苦少少都冇計啦！我夜晚會自己蒲盡北京夜場，欣賞嚇北方佳麗。」
達仔同Rainky為旅遊節目學滑雪，前者好快已掌握平衡。
二人練習前，全副武裝上陣。
Rainky不小心失平衡，導致雙膝跪地，痛到大叫。
首次滑雪嘅達仔，跣到趴地，以笑遮醜。
早前因排練台慶節目而整傷腳嘅達仔，練習期間不慎傷及舊患。
.[東周刊][娛樂追擊]狄易達撻生魚
http://veryy8.blogspot.com/2013/01/blog-post.html
