否認搭上郭富城暗撻高鈞賢 苟芸慧疑患情緒病
有「宅男女神」之稱的苟姑娘苟芸慧，自從09年當選華裔小姐冠軍入行後，憑住樣靚身材正，除了演出機會不少外，跟港男羅天宇分手後，連緋聞也登上「女王」寶座。昨日苟姑娘同時有兩單緋聞傳出，一個指她搭上郭富城；另一個則指她暗撻高鈞賢。對於兩宗新緋聞，苟姑娘昨日接受本報訪問時一笑置之，似乎已相當放得開，不過她坦言確曾為是非緋聞而不快，更一度情緒失控，不能進食瞓覺兼哭個不停，懷疑患上情緒病！
撰文：杜淑霞 攝影：譚壹致服裝：iBLUES
昨日有報道指，有街坊爆料指城城郭富城揸愛車保時捷911GT3，停泊在苟姑娘位於西營盤高街的香閨樓下，因而指城城「私歎苟姑娘」，兼將女友熊黛林打入冷宮。另一報道則指，苟姑娘和高鈞賢齊出席黃長興上周六（16日）婚宴時，兩人態度親暱，高鈞賢一度輕摸女方頭頂。
緋聞當宣傳
對於兩單新鮮熱辣的緋聞，苟姑娘昨日接受本報訪問回應事件時，起初感到相當無奈說，「我同城城拍完廣告之後都無聯絡過，我連佢電話都無，最多係喺微博回應嚇，報道話佢停車喺我樓下，張相嗰度都唔係我樓下嚟！至於Matthew（高鈞賢英文名）大家只係同事，嗰晚佢拍下我個頭啫！大家真係無嘢！」
之後苟姑娘再笑笑口續說：「身邊朋友都知道啲緋聞唔係真，佢哋成日同我一齊最清楚，所以冇專登打嚟問。不過算啦！呢啲咁無聊嘅報道，真係無咩好講，就當做《仁心解碼II》出街宣傳啦！不過再係咁落去，應該唔會再有男仔敢埋我身，到時真係可以無曬緋聞㗎啦！」
靠亞男開解
苟姑娘坦言，以往對於是非及緋聞的接受能力不高，「嗰陣時真係好唔開心，諗唔明點解呢啲嘢明明無發生，我無車震，亦都無做啲唔正經嘅嘢，但係俾人寫到好似真嘅一樣，最慘連媽咪都信係真，以為我真係俾人呃！因為咁我情緒好低落，又食唔到嘢，瞓唔到覺，仲會不停咁喊，我喺新劇《仁心解碼》度做心理醫生，先發覺我嗰陣時有曬情緒病啲病徵。」
現在苟姑娘能夠這樣放得開，全靠當日得到好友李亞男和一班圈外好友支持，「最唔開心時，好在Leanne（李亞男）成日聽我傾訴，仲有一班喺加拿大返嚟嘅朋友成日陪住我、開解我，所以唔使睇醫生就慢慢好番，?家遇到啲唔開心嘅事，或者啲是非報道，都唔會咁睇唔開，識得放鬆。我?家都會成日搵Leanne傾偈，佢同祖藍都會畀好多意見我，所以我成日做佢哋電燈膽！」
姓名：苟芸慧（Christine）
年齡：29歲
血統：韓國、日本、荷蘭及台灣原住民混血兒
三圍：34C、25、35
入行經過：當選2008年多倫多華裔小姐及2009年國際中華小姐冠軍
苟姑娘接受本報訪問時，澄清搭上城城和暗撻高鈞賢的緋聞。 
苟姑娘坦言為了是非和緋聞，懷疑患上情緒病。
.否認搭上郭富城暗撻高鈞賢 苟芸慧疑患情緒病
http://veryy8.blogspot.com/2013/03/blog-post_4048.html
