重提《帝女花》「幫朕Check嚇」 陳豪公開道歉
陳豪03年套劇《帝女花》，當中爆出一句「幫朕check嚇」最近畀網友翻loop，愈睇愈爆笑。
今日陳豪以古裝造型出席無綫喺香港國際影視展嘅記者會，重提呢年事，陳豪笑言：「嗰陣時嘅科技冇依家咁發達，朕終於都Check咗喇！真係有個Check字，當時完全冇人發現，證明朕講呢句說話都好流暢。」
陳豪又自稱「扶碌嘢多到NO.1」，佢笑言：「依家要好好check住，依家啲觀眾捉得好緊，我都係最近先聽番呢段聲，真係好爆笑，Aimee都有笑我，好彩有啲冇出街咋！」咁樣搞到仲想睇喎!
陳豪: 同朕check下
網民翻Loop陳豪:同朕check嚇 沈旭輝詳解
TVB劇是是旦旦就…唔係新聞啦。不過有幾個穿崩情節都成為經典，成日畀網民提起，好似駱應鈞喺古裝劇《十兄弟》入面爆句「食糖水咁遲先call我哋」，《萬凰之王》皇帝張檯上面出現現代烏龍茶。
而最近唔知點解網友又Loop返另一個經典，連Youtube都要放首頁，就係陳豪喺03年劇集《帝女花》入面演崇禎皇帝，突然爆出一句:「同朕check嚇」，其實出到街都好出奇，拍嗰時冇人意識到，剪片做字幕又冇留意，編審又畀佢出埋街，真係好嘢。
不過最搞笑係國際關係學者，夏蕙姨粉絲沈旭輝最近好「認真」咁幫陳豪講好話，佢噚日就喺fb話:「話說，明朝崇禎皇帝重用傳教士湯若望，湯若望是神聖羅馬帝國人，說德語，德語有「Scheck」一詞，一般作姓氏（武器製造者）／名詞（憑證或現代支票）用，相信崇禎皇帝已從湯若望學得這類簡單單詞，得以賣弄外語以示開明，只是發音不純正、所知極其有限、兼對文法不求甚解而說成「幫朕check下」，可見陳豪的演繹完全忠於史實。」
有網民亦搞笑回應:「恐怕只有沈教授可以兜得咁有說服力，TVB好應該重今(金)禮聘，開一個節目叫《劇集正解》。」
.陳豪重提《帝女花》「幫朕Check嚇」
http://veryy8.blogspot.com/2013/03/check.html
