估佢唔到「福布斯」 劉愷威鍊贏古天樂

媽咪姐

估佢唔到「福布斯」　劉愷威鍊贏古天樂

除咗嫁入豪門，做明星名人都係唔少人嘅終極夢想！嗱，大家依家未做到，睇住周三（ 24日）出爐嘅福布斯中國名人榜先囉。港人撐港星，劉華喺港星中排名最高，名列第 3，郭富城排 23，張學友排 25，但另一天王黎明就無影。離咗婚，係時候努力啲嘞！估唔到嘅係，齋唱嘅陳奕迅都排第 6，贏咗鋪鋪打得甘嘅宇宙最強甄子丹喎。又估唔到嘅係，上年先啱啱返內地拍劇嘅胡杏兒，竟然係唯一入圍 100大嘅港產電視台花旦，贏曬早過佢北上𢱑銀嘅蔡少芬呀鄧萃雯呀同佘詩曼呀！

之不過，媽咪姐最最最估唔到，後天化身為古天樂、林峯混合體嘅劉愷威排第 49，拍戲無停手嘅古天樂反而跟佢尾，排 50咋！我知，劉生北上拍劇好耐，但佢能夠去到呢個位，講到尾都要多謝排第 7嘅女友楊冪嘞！

我個陳喬恩都排 99㗎！（設計對白）

範冰冰排第一，威曬！睇番計分準則，原來除收入外，計埋網絡、報紙、雜誌同電視嘅曝光率，唔怪之得去奧斯卡 party都透點嘅「國際範」贏曬咯。《路透社》圖片

. 估佢唔到「福布斯」　劉愷威鍊贏古天樂
http://hittt.blogspot.com/2013/04/blog-post_4326.html