八卦嘢(八卦野) [八卦o野][日日818] : 高海寧 D cup富貴

2013年4月4日星期四

高海寧 D cup富貴

同你吟一吟

高海寧 D cup富貴

晨早放定聲氣，正努力減肥迎接今個夏日泳衣騷嘅高海寧，胸有 34D好身材，當然唔會埋沒，星期一（四月一日），佢蒲頭荃灣做商場活動，小低 V加短裙仔，絕不揸流攤！

錢唔易賺，搵到就唔好待薄自己。當日做完活動，高 Ling同經理人加個女仔朋友，一齊去洲際酒店嚟個三點三，食番個富貴 tea醫肚。

洲際 coffee shop，人均消費加埋一，三個人計五、六百蚊走唔甩，入得呢個門口，無理由飲杯咖啡就走。只係減咗五磅嘅高 Ling，即使仲有八磅先達標，有理冇理，開懷大吃。

食飽，攞住 Balenciaga手袋嘅高 Ling，再叫多個外賣，出門口攞番佢架三十幾萬寶馬房車，仲醒咗五十蚊貼士俾代客泊車。都未行泳衣騷出絕招已經咁富泰，遲吓應該要去 Four Seasons或者深灣遊艇會，先有機會見到高 Ling囉！

只係出席一個商場蚊型活動，高 Ling出動到低 V短裙仲有大露背，呢啲咪叫專業囉！