應采兒恨女恨出面

生多個咯老公！（設計對白）

同你吟一吟

應采兒恨女恨出面

已經懷有七個月「小春子」嘅丁丁應采兒，早前正式宣布肚裡面嘅 BB係仔。為陳家一索得男，加上仲有個零兩個月就生得，應媽媽同丁丁細妹齊齊嚟到香港，幫輕要出外搵奶粉錢嘅陳小春，照顧大肚婆。

佗 B不宜操勞，偏偏丁丁成日坐唔定，《壹》仔一連兩日都响銅鑼灣撞見佢行街 shopping。首先係上個禮拜四（五月十六日），佢同媽咪細妹一齊去利園睇童裝，花多眼亂，大部分時間由細妹出手幫眼揀款，反而家姐八卦行去睇 BB女裙，睇完一件又一件。

佗仔恨生女，圈中媽咪 Kelly陳慧琳算係人辦之一，佢同丁丁仲有一個共通點，就係長胎不長肉。第二日（十七日）佛誕假期，丁丁孖住細妹再次殺落銅鑼灣，第一站先去太平館食 tea醫肚，之後出發時代廣場行街。

呢日兩姊妹同樣著住連身短裙，丁丁暫時未出現大肚腳腫，一對長腿，同細妹 size一樣，後面睇，直頭估唔到佢係大肚婆。生仔定生女，今日科學昌明可以人為做決定，但佗 B冇變大山婆，就唔係個個女人都有呢個本事。

唔著傳統大肚婆衫，丁丁同細妹齊齊著短裙行街，陳太對長腿，唔輸蝕俾阿妹。

生夠一打都頂得住！（設計對白）

要搵奶粉錢，陳小春除咗返大陸拍劇登台，最近仲返無綫幫曾志偉主持新一輯《獎門人》。

連環睇 B女裙，睇嚟丁丁仲想追多個，湊夠個好字。

唔想日日坐响屋企，丁丁捉埋細妹行街，睇完手袋，再去睇洗面機。

. 應采兒恨女恨出面
http://hot104.blogspot.com/2013/05/blog-post_23.html. 應采兒恨女恨出面
http://hittt.blogspot.com/2013/05/blog-post_23.html