葉翠翠被發現再度變臉，卻擘大眼講大話否認有後天加工。
探熱針
打上癮 半年變三個月 葉翠翠硬膠面失控
由 05年在港姐摘冠，葉翠翠已被稱為「整容港姐」，多年來五官輪廓不停變，近期有份演出的《金枝貳》，生硬對白加硬膠表情更淪為笑柄。原來，葉翠翠由五年前開始，便到尖沙咀的美容院打 Botox整容，打針打上癮的她，更由半年修葺一次縮短為三個月一次，為怕俾人發現，葉翠翠每次打針，謝絕美容師、助手入房，指定要由醫生一手一腳搞掂。
愈打愈貪心
《金枝貳》收視插水，在劇中演嬤嬤的葉翠翠，演技被彈，配合硬膠面，雙重趕客。據知一直嫌自己面闊鼻扁的她，原來五年前開始，透過朋友介紹到位於尖沙咀的 IOS Spa美容院，打 Botox（肉毒桿菌）整容，更愈打愈上癮。
「通常打一次 Botox可以維持半年到九個月，葉翠翠最初幫襯，都係半年先打一次，大概打十六針，佢嫌自己鼻扁面闊，所以主力打呢兩個部位。
「之後佢愈打愈多，眼同下巴都打埋，呢一年佢嚟得特別密，好似打上癮咁，三個月就要打一次，佢見醫生話打密啲無問題，佢好似怕走樣咁，準時三個月就去見醫生！」知情者說。
葉翠翠幫襯的美容院，有 facial及彩光美容服務，亦會幫客人打 Botox、 PRP（幹細胞美容），但葉翠翠只到該美容院幫襯打 Botox整容。
特別要求
由於美容院位於彌敦道大街，為怕被偷拍，葉翠翠每次幫襯都好小心，出入戴口罩，搭𨋢亦會耷低頭。
「幫佢打針嘅鍾醫生，每次都會按葉翠翠要求，唔俾其他人入房，可能佢驚人偷拍啩，基本上醫生需要助手企側邊幫手，但為咗招呼葉翠翠，醫生會喺佢到之前將啲嘢準備好，再清場唔俾人入！」知情者說。
該店的老闆娘，與不少圈中人稔熟，麥景婷、張可頤、王喜、陳志雲等，均是上址的長期 facial客戶。
「陳志雲係王喜介紹佢嚟，佢都好貪靚，做得好密，張可頤主要上去做 facial，試過有美容師推介打 Botox，佢話以前試過甲狀腺有問題，怕有影響，堅持唔打。」知情者說。
快將三十一歲的葉翠翠，打針打到似膠面人，相比四十四歲的張可頤，明顯自然順眼得多！
逐樣執
05年入行的葉翠翠，積極改造五官、身材，為釣金龜做好全身準備。
整容港姐
05年參選港姐期間，被踢爆曾割雙眼皮、隆鼻及削面，改造成功的她最終勇奪冠軍。
突然升 cup
07年，葉翠翠向公司請半個月假秘密改造，由 32A平胸，跳升至 34C，升 cup後更密密接泳衣騷搵錢。
港姐股神
08年，葉翠翠暗交富商黃有龍，隨即購入賽西湖兩個千呎單位，後來她辯稱贏股票買豪宅，被嘲「港姐股神」，最後黃有龍搭上趙薇，葉翠翠失長期飯票，更傳被男方追討過千萬掟煲費。
暗交德勤會計師
12年，有指葉翠翠主動出擊，追求德勤會計師事務所合夥人之一唐業銓，積極在對方的 facebook留言，並展開 whatsapp攻勢，二人更被拍得在香格里拉酒店撐枱腳。
波子男
一直積極釣金龜，今年初再被發現約會有米男，對方駕駛保時捷戰車接她收工，但被記者撞破後，男友即黑面發難，更試圖開車門撞向記者。
. 打上癮 半年變三個月 葉翠翠硬膠面失控
http://hot104.blogspot.com/2013/05/blog-post_6016.html. 打上癮 半年變三個月 葉翠翠硬膠面失控
http://hittt.blogspot.com/2013/05/blog-post_7188.html
