海南島探奶奶
9月中李蘊忽然喺社交網站 po咗張激罕三點式照出嚟，雖然佢冇寫去咗邊，不過經明查暗訪後，原來佢去咗老公仔老家海南島探老爺奶奶！
網上圖片
封面
新婚即分居 22歲李蘊倫敦秘嫁富帥銀行家
李蘊（ Renee） 11年與台灣魔術師劉謙因第三者介入而分手，唔夠 3個月即與內地銀行界才俊羅章冠（ David）撻着，二人更極速預支蜜月同遊美國，最爆係拍拖 4個月， Renee已信心十足說：「我哋唔會散」。
大曬恩愛的李蘊已不只一次公開講：「想快啲結婚生仔，我都認定佢係我結婚對象㗎啦！」言出必行，據知李蘊在今年 5月參演的舞台劇前，已跟 David飛到倫敦秘密註冊結婚。由於 David在廣州返工，李蘊婚後照樣中港兩頭住家，實行「分居」新婚模式。忽然閃嫁，李蘊大吃一驚：「邊個話你哋知㗎！」新婚即分居，李蘊反而唔介意：「其實好近㗎咋，我哋又會晚晚視像見面，而且我有時都會過去，我哋感情好好！」
不經不覺已出道近 10年的李蘊（ Renee），其實只有 22歲，經歷過上年被魔術師男友劉謙疑似劈腿後，李蘊隨即覓得真命天子，更於半年前秘密註冊做埋人妻。
夫家要低調
據李蘊所屬公司一名前員工爆料，「 Renee大約半年前已經結咗婚，結婚地點喺英國， Peter（經理人公司輝皇老闆 Peter Chiu）都有出席婚禮。不過 Renee叫我哋唔好四圍講，話要低調喎！話曬佢老公都係正當銀行家，唔想有太多新聞影響佢做嘢，屋企又屬於保守派，所以 Renee好大機會完約之後就唔再做幕前喇！」
其實李蘊恨嫁之心絕對有跡可尋。自去年 7月喊住宣布與魔術師劉謙分手後， 8月經朋友介紹認識廣州渣打銀行 Banker男友羅章冠（ David）， 11月趁 David生日，二人更寓工作於蜜月孖住去美國拉斯維加斯及加州吃喝玩樂，返到香港機場被港傳媒發現，李蘊當時已甜絲絲話：「我哋一齊緊！」
放風好事近
自此李蘊出席大小場合，男友 David的名字都帶住傍身，恨嫁宣言亦一次比一次多，「我係想快啲結婚生仔，同男朋友感情穩定，我都認為佢係我結婚對象， 30歲前結婚生仔就最理想」、「佢畀到安全感我，而且佢好識照顧女仔，好踏實、好上進」、「我同佢都有傾過將來嘅事，大家都認真視對方為結婚對象」。去年 12月被問到會否閃婚時，李蘊即賣關子：「結婚係人生必經階段，我哋都會以結婚為前提！」
自今年 5月參演舞台劇《假如我們不是這樣開始……》後，李蘊開始減少工作量，接下來的工作要等到明年初的另一套舞台劇。據知與經理人 Peter還剩不足兩年合約的李蘊，正打算重返校園讀語言，為遷就老公身份不再拋頭露面。
「晚晚視像見面」
週一（ 30日）本刊致電李蘊恭喜她已為人妻，李蘊初時表現驚訝，後來即扮儍：「咩呀？邊個講㗎？（重複幾次）唔係呀，冇咁快！（但係有朋友喺微博留言叫你做新抱仔，又恭喜你哋喎！）我最近都冇去英國！我係視佢為結婚對象，雙方家長都見過面，不過未係時候。（唔介意分隔兩地？）其實好近㗎咋，我𠵱家中港兩邊走，就算見唔到面，我哋都晚晚視像見面，感情、關係都好好，不過我哋都係想低調啲！」
至於老公 David至截稿前未能聯絡上。李蘊已出道 9年，風浪都經歷唔少，𠵱家搵到筍盤靠山，既靚仔又有學問，當然要捉緊啲，唔好放手啦！
英國註冊得唔得？
據梁永鏗律師表示，任何人喺世界各地結婚都可以，只要你有護照就得。
喺英國結婚，其實手續一啲都唔煩，只要帶住護照、地址證明同埋兩位證婚人就可以。當然，無論你身在英國或者未到，你都要喺婚姻註冊署辦理結婚申請，如果你係持有 BNO的話仲可以免申請費添！當地政府可能要求你遞交一份「擬結婚通知書」予領事部。預計要 21日前辦理，之後英國大使館就會發一份「不存在結婚障礙證明書」畀你去結婚。若果忽然想結都得，急件可於繳交速件處理處搞，半日就可以攞到，不過要畀多啲錢咁解。結婚證書要畀英鎊 7.5（約 94元港幣）。不過，如果你想喺教堂結婚的話，唔係當地居民就唔得喇！
𡃁妹變𡃁模
'03「 Cream」出道
03年李蘊（右）參加歌唱比賽「新星新人類」得第 4名，之後得現時經理人 Peter Chiu睇中，加埋陳曉彤和盧嘉寶組成組合 Cream出道。
28歲「行長」
現年 28歲嘅羅章冠於江西財經大學畢業。據知該校極注重專業和英語的雙重技能，而就讀國際金融系的 David最近在渣打銀行（中國）有限公司廣州番禺支行晉升為行長，他更在全國工商銀行系統舉行的第三屆外語大賽總決賽上獲得英語第一名。呢位一直喺李蘊口中嘅普通男仔，實情係內地尖子高富帥。
. 新婚即分居 22歲李蘊倫敦秘嫁富帥銀行家
http://hittt.blogspot.com/2013/10/22.html. 新婚即分居 22歲李蘊倫敦秘嫁富帥銀行家
http://hittt.blogspot.com/2013/10/22.html
