隨時候命 曼玉子怡冇回音 黎芷珊硬推阿佘做後補

𠵱家人數仲未夠！（真實對白）

黎芷珊坦言嘉賓未夠數，大叫嘉賓好難約，有可能搵佘詩曼等視後頂上。

真面目

隨時候命　曼玉子怡冇回音　黎芷珊硬推阿佘做後補

等到頸都長，黎芷珊嘅《最佳女主角》本週開播，一口氣公布咗 15位嘉賓包括鄭秀文、劉嘉玲和陳慧琳等，比《男主角》得 13人更多。

但今次一開就 35集，節目週一（ 30日）開播卻仲未湊夠人數，芷珊急急開 turbo搵嘉賓。據知搵過張曼玉、章子怡、周迅和蕭芳芳中港四大名旦都仍未有回音，時間無多隨時要搵視後佘詩曼、楊怡等頂上，《最佳女主角》分分鐘跌 watt。

去年黎芷珊憑《最佳男主角》奪得「最佳主持獎」，當時已籌劃《最佳女主角》。上輯成績好，亦令芷珊有較大話事權，除了嘉賓和訪問內容可自定，連攝影隊都指定用番上次成隊人。

連黎芷珊都話係拍攝經年嘅《最佳女主角》終於在本週一晚首播，拍攝時間長的原因是嘉賓難約，加上監製何小慧決定由本來 20集大幅加到 35集，令黎芷珊搵嘉賓時非常吃力。

失色女主角

上年《最佳男主角》收視最高是謝霆鋒，達 26點，霆鋒更自爆生皮膚癌，今次能否破收視紀錄就要拭目以待。

去年《最佳男主角》所有嘉賓都真係影帝級人馬，但《最佳女主角》則因為集數增加，搵嘉賓亦不限於影後，部分如梁詠琪、毛舜筠和葉玉卿都未攞過女主角獎。

據知情人士透露，黎芷珊已好努力約嘉賓，心目中的人選還有張曼玉、章子怡、周迅及蕭芳芳，可惜多月來仍未聯絡得上或對方考慮當中未答覆，此時 TVB亦已決定趁台慶檔期時將節目播出。芷珊亦惟有留兩手準備，必要時將由 TVB視後頂上，首選是已剛回巢 TVB簽約內地 TVBC的佘詩曼；而楊怡、胡杏兒亦在後補之列。

勁加 15集

上週四（ 26日）黎芷珊在《最佳女主角》宣傳活動上，表示的確未約齊嘉賓：「開頭係 20集，加到 25再加到 30、 35集囉，其實唔係集數令我大壓力，係上次《男主角》反應非常好，令我希望 keep到個水準，同埋大家覺得上次嘅嘉賓有吸引力，所以今次都希望可以保持！」

她又承認約過章子怡、張曼玉等，但未有回音：「係有搵過，都有可能㗎！我會得咗至公布囉！仲有好多人想請，𠵱家嘅人數仲未夠嘅。視後可能有啲會搵嘅，但集中搵咗拍電影嘅先，視後咁多大把啦，佘詩曼係呀，有機會㗎！」芷珊又解釋：「揀嘉賓唔一定要攞過女主角獎，譬如梁詠琪每套都係女主角嘛，會 base on咁樣去搵女主角囉。」

劉曉慶　頭炮

首兩集嘉賓是劉曉慶，曾因逃稅被監禁北京秦城監獄， 9年前復出， 2個月前再婚，咁多經歷作為頭炮都算吸引。

劉嘉玲　尾門

劉嘉玲將以壓軸嘉賓身份登場，更會分 4集播出，內容唔少得同梁朝偉的感情和兩人緋聞，更會重談當年被綁架一事。

暢談綁架

《蘋果日報》圖片

劉嘉玲週日（ 29日）在尖沙咀出席活動，回應在《最佳女主角》提及當年綁架她的人：「一早原諒咗，𠵱家做乜訪問都冇禁忌。」

視後照殺

黎芷珊曾約過舒淇和林青霞做嘉賓，可惜失敗，據知現時加緊聯絡的有張曼玉、章子怡、周迅和蕭芳芳等有分量演員，可是成功機會微，必要時將搬出視後頂上，佘詩曼、楊怡和胡杏兒易約得多，但好似削咗啲囉！

邀請中

張曼玉

章子怡

周迅

蕭芳芳

攝時間

佘詩曼

楊怡

胡杏兒

整喊女主角

今次《最佳女主角》黎芷珊將「查家宅」式訪問， 15位女主角提到感情事或傷痛經歷，其深入程度令唔少女嘉賓落淚，絕對催淚過上次《男主角》。

劉嘉玲　感激偉仔

劉嘉玲提到初與梁朝偉拍拖時，原來家人都覺得偉仔靚仔又花弗，反對 2人拍拖，後來偉仔主動同外父外母溝通才打好關係，令嘉玲好感動。

陳慧琳　最愛丈夫

陳慧琳在訪問中大談家事，講到丈夫劉健浩對她的愛錫時感觸落淚：「我好好彩可以識到呢個丈夫！」

葉玉卿　三級辛酸

葉玉卿重提當年要犧牲色相才有機會拍電影，成為三級片女主角，當中諗到的辛酸史時亦忍唔住喊。

毛舜筠　掛念哥哥

毛舜筠曾經跟張國榮拍拖，在節目中她再覆述和哥哥的關係， 2人如何開始拍拖，講到眼濕濕。

. 隨時候命　曼玉子怡冇回音　黎芷珊硬推阿佘做後補
http://hittt.blogspot.com/2013/10/blog-post_308.html. 隨時候命　曼玉子怡冇回音　黎芷珊硬推阿佘做後補
http://hittt.blogspot.com/2013/10/blog-post_308.html