探熱針
親證患子宮癌 肥媽：全部要切曬！
剛完成兩場《三個女人一個墟》演唱會的肥媽，聲明今次是與陳潔靈及葉麗儀「三個女人」組合最後一唱，更自爆兩年前子宮肌瘤復發，愈發愈大，其中一個大 6.3cm，但她堅持演唱會後才睇報告揭盅良性還是惡性。
本週二（十月八日），肥媽向本刊記者親證腫瘤「唔係好嘢」，並會趕快於日內照電腦掃描及作全面檢查，「會盡快做，而家嘅情況要全部切曬（子宮連卵巢），仲要做化療嘅話，我一定拒絕，會轉睇中醫。」肥媽說。
腸有事
五十九歲的肥媽，多年來不停往來中港各地做演唱會，幫電視台做節目主持，又搞私房菜，自稱六歲已經做咕喱捱足一世的她，在《三個女人》演唱會舉行前，公開有子宮肌瘤，由於不想影響演出，她堅持待完騷後才睇報告。本週一（七日），已看了報告的肥媽，證實自己患癌。
據肥媽聲稱，家族有患癌史的她十五年前曾有腸瘜肉，切除後化驗證實有癌細胞，由於只屬初期，醫生建議她做一個療程，化療殺盡癌細胞。
「我屋企好多人有癌，個個做完化療都好辛苦，舊年先死咗一個，後來靚靚（袁詠儀）介紹咗個中醫俾我，亦一路 keep住睇西醫，控制得好好。」肥媽說。
肌瘤變癌
○三年，肥媽再發現子宮有個六厘米的肌瘤，屬良性，當時醫生有勸她做手術切除子宮，但她拒絕。
「嗰陣我啱啱同而家個老公結婚，我唔想切，於是又睇中醫，好神奇，一個月內個瘤收到得番兩厘米。」
兩年前，肥媽的子宮肌瘤再度活躍，肥媽依然堅持睇中醫，希望以針灸同氣功抗瘤，但事與願違，原有的肌瘤長大至六點三厘米外，還新增多一個較細的。
「我最後都有睇西醫，醫生覺得情況唔係咁樂觀，勸我做手術，係我堅持做埋個騷先算，老公都鬧我唔要命！大家放心，我一定會切咗佢。」
拒做化療
週二（八日）下午，記者再致電肥媽，她聲言完騷後兩日經常肚痛唔舒服，但說話時依然聲大大。
壹：報告話個瘤係良性定惡性？
肥：唉……總之唔係好嘢，我呢一兩日會再睇醫生，做掃描同詳細檢查， TVB個劇我都推埋，本來同醫生講好十一月先做手術，但而家要愈快愈好。
壹：只係割個瘤定係全個子宮切除？
肥：都係自己衰格囉！如果早啲去割，就可以割個瘤，而家咁嘅情況，子宮同卵巢都要割曬先穩陣，最緊要我老公唔介意。
壹：咁係第幾期？之後仲要做其他治療嗎？
肥：唔知，一切要等醫生檢查同安排，我估佢哋會要求我做化療，但我一定唔會做，我信中醫，做完手術會睇中醫。
至於要休息多久？何時復工還是索性退休？肥媽說看身體狀況再打算，總之往後日子會過半退休生活，留番啲時間同家人一起。
. 親證患子宮癌 肥媽：全部要切曬！
http://hittt.blogspot.com/2013/10/blog-post_7764.html. 親證患子宮癌 肥媽：全部要切曬！
http://hittt.blogspot.com/2013/10/blog-post_7764.html
