八卦嘢(八卦野) [八卦o野][日日818] : 唔生蒙嘉慧蒙嘉慧,MW,

2013年11月29日星期五

YoYo埋單後，不時企喺街邊同友人吹水大笑，睇嚟佢對呢餐好滿意喎！

藝人近年唔係結婚就係生仔，不過總有人唱反調。好似排除萬難，終於嫁到俾伊健嘅蒙嘉慧（ YoYo），對於生育計劃，佢就話：「應該唔會（生仔）囉！之前喺紅館後台，黎姿、湯盈盈同應采兒喺度講仔女經，我完全參與唔到。我個世界未去到嗰個 step！」

既然決定唔生， YoYo起碼唔使調理身體，亦毋須戒口，盡情食乜都得。早前， YoYo就拖男帶女幫襯位於筲箕灣、出名食牛腩嘅「安利」開餐。雖然餐廳人流眾多，但佢唔介意同人搭枱，仲係咁𡁻切腩同魚片頭，食得不知幾爽！

當日 YoYo帶住一名老外同一位女性朋友覓食，事後佢仲爭住請客。