八卦嘢(八卦野) [八卦o野][日日818] : 個唱飛去得三成　鄭融半價促銷救亡鄭融,MW,

2013年11月29日星期五

個唱飛去得三成　鄭融半價促銷救亡鄭融,MW,

周日（ 24日），鄭融出席商場活動。對於演唱會要網上穀飛一事，她口窒窒說：「我自己就知道……等我諗下先，喺 Groupon有得賣啦，喺卡拉 OK都有得賣啦！」

娛樂喧

個唱飛去得三成　鄭融半價促銷救亡

今年 29歲的鄭融，在樂壇打滾十年。憑性感形象，加上 hit歌〈紅綠燈〉，曾人氣高企。可惜她偏偏唔爭氣，多次被唱片公司雪藏，加上身形持續脹爆，星途停滯不前。

事業多次陷入穀底的鄭融，今年終於修心養性，除積極減腩外， 12月舉辦兩場售票演唱會。可惜個唱銷情慘淡，賣飛賣足兩個多月只去得三成，近日更要靠團購網半價促銷，認真慘情。

鄭融（ Stephanie）將於下月 6及 7日於九龍灣 Star Hall舉辦兩場個唱，回顧出道十年以來的音樂歷程。為求盡善盡美，她大打人情牌，邀請好姊妹薛凱琪及老死周柏豪做嘉賓，並預告屆時將以最性感的形象勁歌熱舞。

性感冇用

唱片市道持續低迷，但唱片公司依然揼本為鄭融連出兩張新曲加精選碟，仲影埋性感個唱海報（圖）穀飛，可惜幫唔到乜滯。

二千個位

鄭融今次於 Star Hall開騷，只有二千個座位，圖中紅色位置為 480元門票，藍色則是 300元門票。但據網站所見，只有藍色的位置剩餘少量門票，其餘位置大把有得揀。

團購網放售

一如所料，演唱會的銷情不理想。 Neway為求盡快散飛，不惜於團購網割價促銷。知情人士說：「演唱會 9月已經開始賣飛，但到 11月中都係賣得三成，公司惟有放上團購網，賣得幾多得幾多。」記者上周亦親赴通利琴行詢問詳情，結果發現依然有大把飛賣，可想而知銷情有幾慘淡。

團購網力推

在個唱前兩星期，團購網站 Groupon竟然半價促銷鄭融演唱會門票， 480元的靚位只賣 240元，而且不設上限，看來銷情麻麻。

五折任買

細看團購條款，演唱會門票全部均以五折出售。對於提早以正價購得門票的歌迷，實在有欠公平。

經理人打圓場

周日（ 24日），鄭融出席活動，對於個唱門票要靠團購網半價促銷，她顯得不知所措，答得吞吞吐吐：「大家一齊……大家一齊……其實因為新老闆……」身旁的經理人就搶答:「其實公司一路都 plan咗會開演唱會，公司都想用好多唔同嘅渠道啦，都想好多人知道有呢個演唱會。佢嗰度（團購網站）只係好少嘅數量。」但觀乎團購網賣飛不設上限，加上截至 26日（周二），記者發現經團購網已賣出 366張門劵（佔全場座位約兩成），都唔屬於少量喎！