[壹週刊 1239 ] 炒冷飯 翻拍《無雙譜》救亡 甘國亮：拍得番先算！ 甘國亮,M1,

[壹週刊 1239 ] 炒冷飯　翻拍《無雙譜》救亡　甘國亮：拍得番先算！ 甘國亮,M1,
http://hittt.blogspot.com/2013/12/1239-m1_9719.html[壹週刊 1239 ] 炒冷飯　翻拍《無雙譜》救亡　甘國亮：拍得番先算！ 甘國亮,M1,
http://hittt.blogspot.com/2013/12/1239-m1_9719.html[壹週刊 1239 ] 炒冷飯　翻拍《無雙譜》救亡　甘國亮：拍得番先算！ 甘國亮,M1,
http://hittt.blogspot.com/2013/12/1239-m1_9719.html

甘國亮表示市民邊睇邊鬧爛劇是縱容，「市民唔睇，你睇佢哋仲可以點經營。」

探熱針

炒冷飯　翻拍《無雙譜》救亡　甘國亮：拍得番先算！

為提升員工士氣，無綫行政主席梁乃鵬早前公開承諾，要有八成劇本才開劇，在人才流失的情況下，緩兵之計是重拍已有完整劇本的經典劇，其中包括甘國亮的《無雙譜》及王晶編劇的《流氓皇帝》，對此應變措施，兩前要員見解南轅北轍，甘國亮抵死說：「拍得番先算啦！」

重拍未必好

不論港視的發牌風波如何收科，擺在眼前的事實，是無綫近年製作無料到，被人鬧爆，行政主席梁乃鵬唯有重拍經典劇，爭取時間給編劇組緩衝。對此，曾在無綫拍過不少神級劇集的甘國亮回應說：「呢個論點唔成立，如果要拍，大把嘢可以拍，俾人鬧就摷番以前啲嘢拍，咁唔等於你拍以前嘅嘢就會好喎！（翻拍《無雙譜》你有冇意見？）我唔關心佢哋（ TVB）做啲乜，佢哋唔係做咗啲值得我關心嘅事，不過佢哋拍得番先算啦。」

《無雙譜》分三個故事，當年的花旦李琳琳與黃允材也在《易釵》內飾演一角。

甘國亮八一年監製的《無雙譜》，劉克宣飾龜精及李司棋飾鯉魚精，以神話故事警世，動用特技拍攝，是當年較前衞的作品。

梁乃鵬早前高調承諾，無綫劇要有八成以上劇本才開拍，但暫時恐難做到。

市民有責任

對政府發牌，甘國亮反而有意見。「兩個電視台都咁難經營，政府仲發多兩個，市場係咪可以容納到先，市民唔會關心呢啲，媒體有責任解釋囉，但我從未睇過有文章研究過呢點。試諗嚇，多咗三奶四奶都搞到屋企咁亂，仲話點解唔俾五奶入宮？

「淨係話佢哋啲劇唔得，咁你又睇？眾志成城話熄電視，又唔見有數據喎？咁嗰晚（網民發起熄電視日）到底影響咗幾多呢？又唔講喎！你哋試嚇一晚唔睇，收視跌 50%，佢哋都吊得頸啦，仲點證明俾廣告客戶睇係冇事，佢哋攞個牌係賺錢，有人鬧就做，咁抵鬧啦，但鬧人都要令自己得益先得㗎，唔好慳番啖氣。

「你日日都話間餐廳唔好食，但你日日都食，呢種先係令到佢哋（無綫）故步自封嘅原因！飯就話唔可以唔食啫，電視唔睇唔會死啩，咁你哋仲睇？咁係咪市民嘅責任先。」

王晶贊同由馬國明飾朱錦春，更提議李司棋的角色由鍾嘉欣飾演。

王晶對無綫翻拍經典以作緩衝創作壓力的做法表示贊同。

王晶贊成

至於正與無綫合作搞劇集的王晶，對於翻拍經典劇集作緩衝亦表示贊成：「呢個都係一個好方法。」有指翻拍《流氓皇帝》用馬國明飾演當年鄭少秋朱錦春一角，王晶說：「俾我都會揀佢。」而李司棋飾的易蓉蓉，他則提議用鍾嘉欣，「氣質好適合。」

王晶編劇、王天林監製的《流氓皇帝》，鄭少秋與李司棋的癡情成為那個時代的經典。

當年鄭少秋拍《流氓皇帝》時，前妻沈殿霞也飾演一角，故事講秋官由皇帝做到乞兒，劇情反差極大。

.[壹週刊 1239 ] 炒冷飯　翻拍《無雙譜》救亡　甘國亮：拍得番先算！ 甘國亮,M1,
http://hittt.blogspot.com/2013/12/1239-m1_9719.html.[壹週刊 1239 ] 炒冷飯　翻拍《無雙譜》救亡　甘國亮：拍得番先算！ 甘國亮,M1,
http://hittt.blogspot.com/2013/12/1239-m1_9719.html.[壹週刊 1239 ] 炒冷飯　翻拍《無雙譜》救亡　甘國亮：拍得番先算！ 甘國亮,M1,
http://hittt.blogspot.com/2013/12/1239-m1_9719.html