[壹週刊 1239 ] 港視藝人謀生計 艾威賣車 舞王考貨櫃牌 M1,

[壹週刊 1239 ] 港視藝人謀生計　艾威賣車　舞王考貨櫃牌 M1,
http://hittt.blogspot.com/2013/12/1239-m1_6728.html[壹週刊 1239 ] 港視藝人謀生計　艾威賣車　舞王考貨櫃牌 M1,
http://hittt.blogspot.com/2013/12/1239-m1_6728.html[壹週刊 1239 ] 港視藝人謀生計　艾威賣車　舞王考貨櫃牌 M1,
http://hittt.blogspot.com/2013/12/1239-m1_6728.html

艾威暫時被邀拍港台劇及一兩日電影拍攝，但長遠計他擔心要走到賣家當生活的一步。

探熱針

港視藝人謀生計　艾威賣車　舞王考貨櫃牌

即使有十二萬市民上街，要求解釋發電視牌照的準則，政府依舊闊佬懶理，港視員工求明白致死原因不果，當務之急是解決生活問題，一度打算學造鞋的艾威，已有著落幫港台拍劇，而擁有多個國際舞蹈教練牌的無綫禦用收數王郭卓樺，亦考定貨櫃車牌，以備不時之需。

賣家當套現

艾威與冼色麗日前在灣仔街頭拍港台劇《夜同行》，艾威由頭奸到落尾，冼色麗被灌醉後遭拖上車。

手停口停，港視藝員部為旗下藝人四出爭取演出機會，其中艾威已獲香港電台邀請拍《新獅子山下》及《夜同行》兩劇，想轉行學造鞋的計劃亦暫時擱置。

日前，艾威與冼色麗在灣仔街頭拍《夜同行》外景時，對於日後生活仍顯得相當擔憂。「暫時都係見步行步、節衣縮食，而家仲有合約（港視），每個月仲有糧出，但都要計劃定重新部署，如果約滿前都未有長遠計劃，都要諗定隨時賣家當，將啲唔等使嘅嘢，好似車、錶變賣嚟生活，當然希望唔使行到呢步啦！如果去到賣樓，就真係好唔掂嘞。」

文武雙全收數佬

不少幕後或三、四線藝人，均是周身刀！在無綫做了二十年「收數佬」的郭卓樺（富仔），本身擁有多個國際舞蹈教練牌，亦是一名特技人，強項是飛車和火人，稱得上能文能武，過檔港視卻遇上不獲發牌，雖然可教跳舞搵食，但他決定買多個保險，考埋貨櫃車牌。

「反正而家時間多咗，考多個牌裝備好自己，如果有個角色要做貨櫃車司機，我都可以自己嚟。有時鏡頭需要用貨櫃車做一啲特技動作，識揸可以掌握好啲，拍出嚟畫面都靚啲。」

考牌當天，郭卓樺更一 take搞掂。

「我仲有興趣考埋個教揸貨櫃車嘅師傅牌，但要等政府刊憲公布，下個月會考巴士牌，就算將來真係冇嘢拍，都多幾條路搵食。」富仔表示，港視亦安排了一些編、導課程給旗下員工增值，只要有時間，他便會去上堂。

在無綫二十多年演慣爛仔的郭卓樺，其實是舞林高手，現擁有多個國際舞蹈教練牌。

郭卓樺自言天生喜愛有轆的物件，除了貨櫃車，下月他更會去考巴士牌，除了為搵食，亦滿足自己的心頭好。

郭卓樺也是特技人員，專做飛車及火人，日前他考獲貨櫃車牌，希望對日後生活多重保障。

有禦用收數佬之稱的郭卓樺，看他在《酒店風雲》中的一頭啡髮寸寸貢的造型，就知他又是做收數佬。

等王維基通知

曾打算做紮鐵工人養家的張松枝，暫時都是見步行步。

「啱啱完咗《 Night Shift》，其實都係停一星期左右，我會幫港台拍劇，仲有套電影會拍到二月，經理人亦有幫我搵嘢做，王生（王維基）話三個月至六個月就會有通知（何去何從），到時先再算。暫時有開工，經濟都頂到嘅。」至於被稱港版「半澤直樹」的陸駿光亦會在這段等待期間考健身教練牌，謀定退路。

張松枝（右）早前曾到茶水檔學沖奶茶謀後路，好在現時仍有劇拍，不用紮鐵也能養家。

港版半澤直樹陸駿光目前仍在等開工，但已計劃考健身教練牌裝備自己。

.[壹週刊 1239 ] 港視藝人謀生計　艾威賣車　舞王考貨櫃牌 M1,
http://hittt.blogspot.com/2013/12/1239-m1_6728.html.[壹週刊 1239 ] 港視藝人謀生計　艾威賣車　舞王考貨櫃牌 M1,
http://hittt.blogspot.com/2013/12/1239-m1_6728.html.[壹週刊 1239 ] 港視藝人謀生計　艾威賣車　舞王考貨櫃牌 M1,
http://hittt.blogspot.com/2013/12/1239-m1_6728.html