真面目
順我者生 叱吒逆民意亂嚟 G.E.M.經理人爆吳雨霏搶獎黑幕
2013年01月02日假公平、真霸道，叱吒樂壇頒獎禮年年標榜公信力，其實自己人玩曬一直是公開秘密，不過商台夠惡，唱片公司又要賣佢賬，小歌手邊敢出聲？
估唔到 G.E.M.唔只個肺巨，膽都大過人，週日（ 12月 30日）更公開一段錄影，怒插叱吒年年講一套做一套，宣布缺席今年叱吒頒獎禮以示抗議！
雖然唔係個個似阿 G.E.M.咁勇，僅得到極少數同業聲援，經理人張丹就話唔後悔造反，仲繼續爆黑幕：「自從 Kary吳雨霏入 咗環球，我最喜愛女歌手 5強就開始唔夠分！」
逢到年終頒獎禮季節，例牌有各式分獎唔勻是非連環上演，標榜以專業評審同播放率做指標，選出我最喜愛男、女歌手以及歌曲獎嘅叱吒自稱全行最公平，其實由高層甘菁菁話事，新入商台的陳志雲亦唔多理。叱吒被甘氏夫婿黃劍濤（ Duncan）主理嘅環球旗下歌手玩曬，年年逆民意爆大冷見慣不怪。
棄獎造反
公平與否大家心裏有數，不過夠膽出聲就冇乜幾個。元旦日叱吒頒獎禮揭幕前夕（ 12月 30日）， G.E.M.（鄧紫棋）在 YouTube、優酷等多個主流視頻網站上載自拍短片稱：「如果我冇得獎，台上得獎 嘅係優秀歌手，我係心悅誠服。網絡興起，令歌迷可以主動去搵好質素 嘅作品。你一年一度搞 event係冇問題，但你忠於你自己，如果你表達 嘅 嘢同你做緊 嘅 嘢係唔一致，咁就唔公平，更誤導 咗人。」一路講，剪片一路加插叱吒頒獎禮片段，及「一人一票」宣傳字句，加上 G.E.M.一早宣布今年會缺席叱吒，矛頭指向商台明確不過。
「根本就唔係民意！」
有指 G.E.M.冇獎發爛渣，經理人張丹就否認：「叱吒一直有播 G.E.M.嘅歌，〈 What Have You Done〉仲攞過專業推介第一位，據我 哋所知，本來我哋有一首歌曲獎（叱吒十大），不過𠵱家唔出席唔知仲有冇。其實無 綫、新城講到明遊戲規則係內定，我 哋尊重，但叱吒標榜一人一票民意結果，據我所知根本就唔係民意。 G.E.M.出道第 2年已經打入女歌手 5強，係前年開始 Kary（吳雨霏）入 咗環球， 啲獎至唔夠分之嘛！」
早於 11年謝安琪離開、吳雨霏轉會加入環球開始， Duncan已一心穀 Kary上天後位，早前就有報道指 Duncan今年點名指定 Eason、 Kary及林德信一定要有獎，成件事變成咁，商台今次都有排解畫啦！
冷漠同業
G.E.M.開聲表達不滿，源頭微博極少歌手轉發及評論，夠薑撐 G.E.M.嘅只得 rock友黃貫中及一樣杯葛過叱吒嘅何韻詩，面皮夠厚反 G.E.M.擦商台鞋嘅同樣為數不多。
讚勇派
擦鞋派
甘菁菁幕後操盤
據知情人士透露，商台 DJ每星期會收到一張歌曲 playlist，每年臨近頒獎禮約 9月開始，某部分歌手會突然從 playlist絕跡。 DJ跟足 playlist播歌，令部分唱片公司力捧歌手得益，唔跟足就會得罪頂頭上司，至於份穀歌邊個拍板？之唔係商台助理總經理甘菁菁囉。
DJ良心/違心話？
梁兆輝
「我 90年代做商台，當時的確係靠播放率，電台的確付出 咗 Air time至令到首歌跑出，但唱片公司同電台之間千絲萬縷嘅關係，利益輸送少不免。話一人一票，不如透明度再多 啲，真係交個波畀大眾，咁拗撬咪少 啲囉。」
小儀
「我梗係投 Rubber Band一票啦， Rubber Band冇入 5強我都失望㗎，個個歌手都覺得自己 fans多，但你估唔到可能人 哋 fans仲多呢？叱吒係一人一票投出 嚟，我相信個賽果㗎！」
陪葬連詩雅：少少失望！
叱吒公信力到底有幾高？睇最後出爐我最喜愛的歌曲 5強就知道。 Kary首〈人非草木〉 YouTube點擊得 43萬，羅力威隻〈雙子情歌〉幾個版本加埋都唔夠 50萬，反而贏 咗網上點擊多佢哋 10倍，過 440萬連詩雅首 YouTube金中金〈到此為止〉。主唱連詩雅都話失望。
信邊個好？
.[FACE]順我者生 叱吒逆民意亂嚟 G.E.M.經理人爆吳雨霏搶獎黑幕
http://veryy8.blogspot.com/2013/01/face-gem.html
