[FACE]人情來了 賓客聽話封八嚿 港女$500慳皮 18圍有賺

真面目

人情來了　賓客聽話封八嚿　港女$500慳皮 18圍有賺

2013年01月02日

11月初， 23歲準新娘在 facebook回覆「貧友」，「$500人情就不要來」，而被起朵做港女 500，更遭網友瘋狂起底兼公審，火速成為網絡大紅人。

有激進高登仔更話女主角結婚當日，要踩場示威，週日（ 30日）港女 500如期大婚，當日只有一位中四「烈士」踩場，而被本刊揭發日使$73慳到盡的港女 500，當日只擺每位約$660的自助餐午宴，更有親友大爆大部分人情超過$800。現場布置甚慳皮的婚禮，擺 18圍其實計落有賺。

週日（ 12月 30日）港女 500俾網民戲謔為「世紀婚禮」的午餐婚宴，如期在黃埔海逸君綽酒店舉行，高登仔代表僅得一個讀中四的四眼男單拖踩場，但原來有網民暗中潛入婚宴做網上直擊，大爆港女 500喊住向來賓道歉。

放大圖片

簡約布置

婚禮布置超簡單，只得迎賓枱就沒甚麼布置，而場內亦只有六、七個酒店員工把守，幾慳皮。

放大圖片

港女 500最終都能喺 12月 30日與丈夫如期完婚，相信佢嘅「人情風波」可告一段落。

放大圖片

早前因人情論搞到滿城風雨，一早曝光的請帖，一眾網民以為女主角會改期，但最終都係如期舉行。

放大圖片

$660自助餐

港女 500筵開 18席，本刊曾查詢該酒店，午餐婚宴每位 660蚊全包，如每人平均做 800蚊人情，仲有剩 140蚊落袋，保守估計都有 3萬蚊賺喎！

3萬薄利

中午開始的自助餐宴，約 3時許散席，本刊訪問與會賓客，大部分人透露場面感人，但一講到人情，個個嚇到雞飛狗走，只有一位賓客願意透露封$500人情。「頭先新娘喺台上喊話對唔住，（有冇睇佢之前嘅新聞？）我知少少啦，我問過其他人，大部分都封咗八嚿（$800），仲有唔少人多過八嚿添啦。佢哋個婚禮都係簡單為主，冇乜特別裝飾，都應該唔使用好多錢啫！」

計計數，本刊向酒店查詢，婚禮 2小時自助餐，包括生蠔、三文魚、刺身及蒸海斑等，約 46款食物，冇咩特別，每位連加一$660，擺 18圍，如果每人至少封$800，最少賺凸 3萬，港女 500輸咗個朵，贏個老公囉！

人情 500男

放大圖片

「弊，我封咗 500蚊添。」

雖然有好多人都封至少 800蚊，但仍有不知情的親友唔驚俾港女 500藐，照封 500蚊，不過知道件事的始末後，呢位賓客就講咗句：

中四高登仔

放大圖片

「以為有好多人嚟一齊『抗議』佢，放假得閒，咪嚟睇嚇佢（新娘）個樣囉。」

被一眾網民放飛機的中四學生潘同學，孤軍作戰，無聊在梯間遊蕩，其後在大堂逗留片刻才冇癮離去。

.[FACE]人情來了　賓客聽話封八嚿　港女$500慳皮 18圍有賺
http://veryy8.blogspot.com/2013/01/face500-18.html