2013年2月19日星期二

馬國明BB又上內地教科書

高登男神馬國明BB，日前接受訪問時話要進軍內地市場賺人仔，依家……算唔算願望成真呢？

係咁嘅……有內地網民發現，喺教科書上，居然見到馬國明BB呀，仲影埋相添﹗可惜影得好差嚇，冇頭冇尾，只係見到屬填充題，問圖中以結婚look打扮馬明BB同盧巧音係屬於乜嘢族、喺邊度聚居咁。

張相熟口熟面？咪就係04年無綫劇《天涯俠醫》嘅劇照囉﹗當日佢哋唔止拉隊去肯亞取景，仲去埋廣西。馬明同盧巧音呢個look，就係壯族人婚嫁嘅打扮喇﹗

馬明fans見到BB成為教材，梗係開心啦，有人就答﹕「這是萌族，聚居在所有明粉心中最重要的地區。」認真有創意喎！其實馬明BB都唔係第一次列入內地教科書，之前佢有份演嘅《公主嫁到》，同陳法拉著唐朝結婚禮服、合巹交杯嘅相，都登上內地嘅國學精粹科教科書。嗰個chapter，係講中國婚嫁傳統。

內地教科書書影。點解圖中咁似馬國明同盧巧音？因為真係馬國明同盧巧音。

睇完上述文章，請回答以下選擇題﹕

點解內地教科書兩次都揀中馬明BB嘅結婚劇照嚟登？

A.馬明BB個樣上鏡

B.馬明BB著結婚禮服嘅相好睇

C.馬明BB嘅結婚劇照易搵

D.內地億億聲莘莘學子特別鍾意馬明BB

冇標準答案。不過想知無綫會否收番版權費。

原裝劇照

你識得答嗎？

之前馬明同陳法拉宣傳《公主嫁到》嘅相都上咗內地教科書。

04年，《天涯俠醫》拉隊去廣西拍外景。

唔知內地教科書有冇考慮用埋呢張相？

肯亞外景…都可以列為教材喎，話俾學生知肯亞嘅傳統文化嘛。

《天涯俠醫》劇照回顧……左邊嗰個係…

張家輝呀﹗

張家輝同郭羨妮

嘩