2013年2月19日星期二

綠葉王：黃文標鬚哥利

服務無綫23年的黃文標留鬚形象太深入民心，遠至韓國也有人認得佢。曾經試過爆騷爆到暈，亦試過因與舊公司共度時艱，銀行戶口只得100元，苦不堪言，不過標哥很有性格，只望大家對他給點尊重，他說：「唔知我叫乜嘢名唔緊要，你可以叫我角色名，或者點個頭，我已經好開心，但你唔好叫我做『茄喱啡』！」撰文：黃曉妍

■黃文標最不喜歡別人叫他「茄喱啡」，希望大家不要這樣稱呼他。攝影：葉君海

■黃文標的壞人形象深入民心，在《學警狙擊》亦演黑人物。

未入行前，黃文標任職空運sales，後來自己開公司，可惜經營不善而要結業，本想回頭再做sales，但很多老闆不信任他，怕他儲到一班客人就辭職，結果要求他由低做起，標哥心想如果由基層做起，何不另覓一個新行業。由於當時標哥在海豹劇團做話劇，劇團導演羅卡跟電影界相熟，於是介紹標哥加入電影行，拍攝首部電影《一屋兩妻》，他說：「呢部戲需要一個舞台劇演員，所以推薦我，之後仲有搵我拍《一妻兩夫》、《不脫襪的人》等電影，不過拍電影只係玩票形式，加上電影開始走下坡，又要埋堆先有得撈。」

戶口唔夠一百蚊

當年標哥已經27歲，想找一份穩定、較長遠的職業，於是89年加盟無綫，修讀無綫訓練班，同期同學有顏仟汶。標哥透露首部參與劇集《午夜太陽》，主角有黃秋生、吳鎮宇及郭富城等，後來還接拍《同居三人組》、《卡拉屋企》等，他笑說：「當年好爆騷，唔知係咪自己價錢平，當年我簽1年120個騷，但我可以做300幾個騷，爆騷爆到暈。」

雖然有段時間頗為風光，但後來生活艱難，他說：「我媽咪以前都以為我好好景，其實我捱騾仔冇人知，我試過窮到將兩個戶口嘅錢入落一個戶口，然後?100蚊出嚟用，當然我試過爆騷，叫做稍為風光啲，但10年前金融海嘯，要我哋共度時艱，減人工、由120個騷減到60個騷，咪焗簽囉，所以我好多謝??家個老闆，係佢衝擊呢行，呢行先有得發展。」

■在《鐵馬尋橋》與林嘉華合作，現在二人已齊齊過檔香港電視。

■在無綫多年演過不少小人物，標哥的薪酬亦少不堪言。

■在《換樂無窮》中，黃文標與胡杏兒演對手戲剃去招牌鬍鬚。

駁長髮拍《學警》

標哥最為人熟悉，相信是《尋秦記》的「滕翼」一角，他說：「我覺得《同居三人組》朱強角色都好突出，有人喺街見到我都叫我做『朱強』，反而內地人叫我做『滕翼』多啲。」講到最喜愛角色，標哥表示是《學警狙擊》「田七」一角，他說：「有場戲講我喺桑拿浴室被周海媚摑，雖然戲份好少，只得11集就被人整死，但我好鍾意呢個角色，因為完全改變曬我形象，駁長髮，對我嚟講幾新鮮。」

■黃文標在無綫多年，其中拍《封神榜》的東海龍王造型甚有霸氣。

參與劇集多不勝數，形象突出亦較容易認，標哥與女友早年在東京為一間和服公司影相時，竟被一位留學生認出，標哥說：「我同女朋友去食飯，食完飯我行先，女朋友埋單，有個女侍應問我女朋友『嗰個係咪拍戲?可唔可以影相?』我女朋友叫我入去影相，我話唔係吖嘛，咁都認到，佢仲準備咗一塊board，叫我簽個名寫啲嘢，我??曬頭，寫乜好呢，原來呢個女侍應係留學生，所以不可不讚一讚舊公司，市場真係好大，去韓國玩，有韓國婆認得我，喺香港，有日本婆認得我，或者我個惡樣易認，所以留鬚係我招牌。」

近年相當流行掟飛鏢，原來黃文標也是箇中愛好者，而且還參加過港區選拔賽，雖然未能勝出，但標哥未有氣餒，決定與幾位同事及隊友到台北，參加當地舉行的「亞洲電子飛鏢國際賽」，他認為勝負不重要，最重要是向比自己技術更高的高手學習。

定型演賊佬

■標哥曾在《尋秦記》跟當紅小生古天樂（左）合作。

黃文標效力無綫期間，參與劇集多不勝數，包括《午夜太陽》、《同居三人組》、《卡拉屋企》、《尋秦記》、《封神榜》、《歲月風雲》、《少年四大名捕》、《鐵馬尋橋》、《學警狙擊》、《搜神傳》及《換樂無窮》等。由於標哥為突出形象而選擇留鬚，角色因而被定型，經常飾演賊、收數佬、惡霸。去年與無綫結束23年賓主關係，加盟香港電視，並參演首部劇集《警界線》，稍後在新劇中飾演議員角色，算是一個新突破。