黃翠如暗戀四年 張振朗唔拍拖
黃翠如初拍無綫劇《心路GPS》，劇中暗戀陳展鵬，撩起她現實中兩段暗戀經歷。她一副「做得出唔怕認」的態度說：「都是讀書時發生，第一次只係暗戀咗一個月，好快就冇咗感覺，輕鬆曬。」
暗戀這回事，見到對方時怦然心動、見不到時若有所失的感覺，一個月時間她感受未深，以致再遇上暗戀對象時，她仍抱著輕率的態度處之，竟暗戀了對方四年也不表態：「有一日我忽然醒覺係時候向對方表白，點知發現佢已經有女朋友。」四年的忐忑暗戀，無奈流著淚將之劃上句號，她說：「好彩當時要應付考試，分散注意，好快冇事，現在大家仍然返同一教會，仲係好朋友。」這段經歷令她輕易投入《心》劇角色，也算是四年暗戀的另類收穫。
靠成龍闖烏克蘭海關
身為基督徒，翠如對命理之說一笑置之，年前她與玄學家蘇民峰做節目，在場不少同事爭問前程，她沒刻意求知，只記得蘇民峰對她說：「你有拖拍就拍，有婚結就結喇。」語氣似叫她「無謂強求」，她笑道：「冇所謂喇，但事實我真係未有男朋友。」
翠如在有線電視時多拍旅遊節目，去過五十五個國家和地區，慶幸自己出路遇好人多過壞人，說：「在智利，我被人偷銀包，好彩證件放在另一個袋，我戥個小偷可憐，因為銀包只有好少錢。」然而，令她最難忘是在烏克蘭：「所有工作人員被扣留在海關，因為關員唔識睇我哋本護照，足足扣留咗十幾個鐘，我提起Jackie Chan（成龍）個名，關員話識呢個人，即刻放行。」此證成龍對香港人的貢獻唔只娛樂咁簡單。
張振朗珍惜羽翼唔拍拖
同樣有份參演《心路GPS》的張振朗，出身無綫第二十五期藝訓班，在《法網狙擊》初演惡少受好評，但前路漫漫，滿途挑戰，他舉《心》劇為例：「有一幕講我喪父，在靈堂上，我唔識喊，全靠司棋姐帶我入戲，真係好佩服佢。」
他選定了演藝這條路，明白機會只配給有準備的人，所以勤看前輩的戲，黎耀祥是他的奮鬥榜樣之一。他又珍惜羽翼，表明現時沒女友：「上頭冇畀壓力，係我唔想拍拖啫。」 伊依報道
黃翠如服裝提供：muse
.黃翠如暗戀四年 張振朗唔拍拖
http://veryy8.blogspot.com/2013/02/blog-post_6905.html
