城嫂 20贏青冰冰

同你吟一吟

城嫂 2:0贏青冰冰

上個禮拜三晚（四月十日），第九屆「華鼎獎」電影頒獎禮由內地搬嚟九龍灣國際展貿中心舉行，頒獎禮紅地氈常客範冰冰一反常態，居然著咗條包到上頸嘅青色裙現身。

事後冰冰解釋因為做咗 LV代言人，咁啱成個系列件件衫都咁多布，冇計！其實肯嚟都已經好俾面，早排《鐵甲奇俠 3》响北京搞首映，知道國際版完全刪走曬自己戲份嘅冰冰，嬲到記者會同首映都唔到。

鬼佬唔吼！但嚟到自己友地頭，範冰冰就做番一姐，仲憑《二次曝光》奪華鼎影後。呢個地球，得一個李安，荷李活唔係人人都啱玩嘅，有邊個唔返頭拍華語片？咪嘥時間啦！

範冰冰呢身打扮，扣分！熊黛林兩球在手，贏曬！

大會宣布冰冰攞影後，楊受成第一個彈起身吻賀出爐影後左右兩邊面，之後到成龍接力，咦！點解唔見黃秋生嘅？

得獎名單意料中事，就連頒「年度成就獎」俾葉德嫻嘅嘉賓又係劉德華，零驚喜！

繼續英皇好友系列，成龍憑《十二生肖》攞完「最佳電影動作指導」，再攞「最佳導演」，唔好誤會，呢度唔係《勁歌金曲》總選。

Chok曬嘅謝霆鋒，西裝黑超傍住老闆楊受成行紅地氈，仲 fight低梁朝偉，憑《消失的子彈》攞影帝，成晚英皇掃咗唔少獎。

撰文︰八珍

mailto:nextb@nextmedia.com

. 城嫂 20贏青冰冰
http://hittt.blogspot.com/2013/04/20.html