八卦嘢(八卦野) [八卦o野][日日818] : Eason咬住學友唔放

2013年4月18日星期四

Eason咬住學友唔放

同你吟一吟

Eason咬住學友唔放

已經三年冇喺紅館開個人演唱會嘅 Eason陳奕迅，嚟緊七月暑假再開騷，星期一（十五日），開記者會宣布最後加開兩場，前後計埋單二十五場。

二五同八珍講， Eason今次個唱一早計定數，同紅館訂場亦預咗要做廿幾場，場數達標， Eason放下心頭大石，可以專心一意，為個唱練體能，仲話早幾個月已經開始戒定煙。

開騷同雛鳳一樣，一票難求，不過 Eason依然有遺憾，指學友用咗十七個月做一百四十六場世界巡迴，佢個人紀錄就得六十六場差大截。咬住學友唔放嘅 Eason仲話已經定下目標，要做一百四十七場，多一場就夠！

Well， Eason想拆學友招牌嘅話，可能先要換經理人，都係姓陳嘅啫！

暑假開騷嘅 Eason，做到達標 25場，開心到同經理人陳家瑛攬曬。