馬賽 BB男人湯圓

媽咪姐

馬賽 BB男人湯圓

新劇《神探高倫布》雖然口碑普通，但多得《玩嘢王》整蠱馬賽，令佢人氣急升，去到邊都俾仔圍。

早幾日，馬賽喺電視城 canteen買外賣。出席完 Suki護膚品活動嘅佢，着住條白色貼身短裙仔，成個股形若隱若現，非常誘人。買完，佢一手拖篋一手拎外賣，趕返錄影廠開工。咁啱有 4位男性工作人員喺廠外「打緊邊爐」。佢哋一見到馬賽 BB，即停止扯煙，齊齊擰轉頭望到實，其中一位工作人員仲主動幫 BB開門。真係妒忌死媽咪姐呀！

成名有價，劇接劇嘅馬賽連坐低食飯嘅時間都冇。當日佢着住白色短裙仔，股形乍現，相當吸睛。佢買完外賣，就匆匆拖住篋入廠拍劇。

上周日播出嘅《玩嘢王》，馬賽慘被李思捷、玲玲師傅等人整蠱，劇組仲安排臨記女鬼現身，嚇到馬賽 BB花容失色。

趕入廠嘅馬賽被 4位男工作人員𥄫到實，不知幾受歡迎。

其中一位工作人員見馬賽雙手拎滿嘢，自動請纓開門。靚女 BB，確係多人錫啲！

. 馬賽 BB男人湯圓
http://hot104.blogspot.com/2013/05/bb.html. 馬賽 BB男人湯圓
http://hittt.blogspot.com/2013/05/bb.html