插圖： Wendy
揞名爆
「大家姐」為「大魚」炒人
我哋成日話愛情嘅魔力好偉大，但有時都會殃及池魚，仲要死咗都唔知乜嘢事㖭！最近，媽咪姐就收到單八卦料，話說富家女「大家姐」同大公司女高層「大魚」相知相惜已經有一段日子，後者不時大大方方出入前者嘅公司，一班員工對佢亦非常恭敬。梗係啦，大家有眼睇「大家姐」有幾緊張呢段關係，仲唔識撈咩！
不過咁，意外總係隨時發生嘅。有一次，有個小職員喺公司又見到「大魚」出現，佢好順口又有禮貌咁打招呼：「 X小姐，早晨！」唉，出事嘞！「大魚」即刻面都黑埋，睬都無睬佢，就走去搵「大家姐」！事緣「大魚」一向要人嗌佢做「 X先生」或者用英文名稱呼，呢位妹妹仔一時口快快講錯，下一秒就已經知衰，驚到騰騰震。但呢個世界有時真係好殘酷㗎！容不得一點錯漏。跟住呢個可憐嘅小職員就不斷俾人喺工作上搵錯處，卒之累積夠「錯處卡」後，被炒鳥！所以話，我哋做打工仔嘅，除咗跟官要知官姓乜，連官嘅「知己」姓乜都唔可以搞錯，辛苦！
. 「大家姐」為「大魚」炒人
http://hot104.blogspot.com/2013/05/blog-post_8557.html. 「大家姐」為「大魚」炒人
http://hittt.blogspot.com/2013/05/blog-post_811.html
