BB大咬峯錢 峯爸美國冷待千語

世紀拖手 5月 21日清晨 6時

Hermès Kelly Bag10萬

一向戀情低調的林峯，從美國回港，下機後首次在記者面前拖住女友，可見 BB在峯峯心目中地位。不過問到美國秘婚，林峯就話：「作嘢，冇咁嘅事！」

滾熱辣

BB大咬峯錢　峯爸美國冷待千語

19歲的吳千語憑嗲功，成功俘虜大她 14年的林峯，峯峯豬為冧女友千語 BB，荷包大解放。兩人拍拖半年多，吳千語已經住豪宅、周身名牌。大咬 BB最近更睇中 320萬的 Aston Martin DB9跑車，加埋之前兩人日本、歐洲旅行狂掃 Hermès，峯峯豬已被燒過千萬。

上周，林峯帶埋千語 BB，與家人齊齊出席細佬（林逸洺）美國大學畢業禮，進一步確認女友地位。千語 BB亦把握機會，出盡嗲功冧未來老爺奶奶。雖然有傳兩人在美國秘婚，但實情是 BB還未過峯爸（林華國）嗰關。峯父對千語一直保持距離，甚少交談，連影合照都唔願。林峯堂妹林夏薇亦漏口風說峯爸同 BB冇合照，談到兩人關係時，她似有難言之隱口窒窒︰「……你都係問番佢哋啦。」

今年林峯個唱中，峯爸本來四萬咁口，但被問及對兒子與吳千語戀情時，他耍手擰頭拒答。

「偷食編輯男」事件後，吳千語旋即以喊功箍掂林峯，而峯峯豬為保戀情，亦在微信發兩人親熱照宣示主權。上周四（ 5月 16日），林峯帶埋 BB，出席胞弟在美國南加州大學畢業禮，不避嫌在公眾地方煙韌。

雖然林峯極力想 BB融入家人圈子，但據知在美國期間， BB即使出盡渾身解數，依然未能打動峯爸。據知千語 BB在峯媽面前扮乖巧，不時「 Auntie」前「 Auntie」後，更擦曬鞋讚對方着衫好睇，逗得峯媽大樂。不過，做慣生意，眉精眼企的峯爸卻不為所動。千語主動上前搭訕，峯爸對她一句起兩句止。

變身阿四

林峯為女友做阿四搬行李，真係愛得癡纏。

情侶 Hermès

8萬

除咗大曬恩愛，林峯同吳千語更大曬 Hermès情侶袋，林峯的黑色 Kelly Bag價值逾 10萬， BB嗰個就值 8萬。

細佬冇同千語合照

林峯弟弟林逸洺在微博大曬同哥哥及堂姐的合照，但在其微博就唔見有佢同吳千語的合照。

BB峯爸零交流

網友偷拍照中，千語 BB雖然與林家坐在觀眾席上，但與峯爸卻零眼神交流。

尷尬回應

佢哋冇合照（真實對白）

5月 22日，林夏薇出席無綫影周年合照活動。問到千語 BB與峯爸可有合照時，她立即緊張說︰「佢哋冇冇冇（合照）！」記者想再追問，她已被經理人拉走。及後記者再翻兜問她千語 BB與峯爸關係時，她似有難言之隱︰「唉吔！我唔知……你都係問番佢哋啦。」

嗲唔掂峯爸

「峯爸做生意見咁多人，睇人好叻，千語嗲功對佢冇乜效。今次喺美國，千語好主動討好峯爸，但佢老人家就唔多領情。有次千語 BB話同峯爸影相，但佢以一句︰『老人家冇乜好影！』而拒絕。阿峯就即時打圓場話︰『一陣再影！』峯爸知道個仔短短幾個月，使咗成千萬喺女友身上，梗係唔高興啦。佢同人呻，話個仔未試過使咁多錢，就算之前同潘霜霜拍拖，阿峯都係每個月使幾萬蚊。佢話呢個女仔好犀利，不過佢知個仔脾氣，惟有唔出聲。」

21日（星期二）清晨，林峯不但親自護送 BB由美國返港，兩人首度公開拖手攬腰，又大曬 18萬情侶 Hermès袋。一線小生紆尊降貴為女友做阿四搬行李後，旋即風塵僕僕再乘飛機返橫店拍劇，看得出林峯錫 BB錫到燶。

林峯早前在微信曬與 BB親熱照，又洩露了「峯峯豬」的愛之暱稱。

被問到亂 fing峯錢時， BB收起笑容，黑面死撐自己努力工作。

提 fing錢黑面

而意氣風發的吳千語，當日下午出席內衣騷活動時，被問及出席男友弟弟畢業禮時，更發嬌嗔大曬幸福說︰「純粹畢業禮，開心嘅！」提到林氏父母，她說︰「佢哋好 nice！」至於美國秘婚，她就否認︰「唔係真！但拍拖梗係視佢為結婚對象。」問到狂 fing男友錢，她立即黑面︰「我一路努力工作，係啲人冇留意，其他人點講亦唔到我控制。」最後問為何沒與峯爸合照，她直情當聽唔到，身邊經理人亦急急將她拉走。

半年大咬千萬

33歲林峯經濟上全力照顧千語 BB，除咗以 8萬月租麥當奴道豪宅作愛巢，又租屋給女友一家居住外，千語 BB由頭到腳都係 Hermès、 Prada、 Chanel等名牌貨，加上之前豪遊東京、沖繩、米蘭，旅行期間狂掃名牌，千語 BB豪氣買了十多個不同款的 Hermès Birkin手袋，拍拖半年已使千萬。

其他影片

• 林峯BB世紀拖手

. BB大咬峯錢　峯爸美國冷待千語
http://hot104.blogspot.com/2013/05/bb_24.html. BB大咬峯錢　峯爸美國冷待千語
http://hittt.blogspot.com/2013/05/bb_24.html