八卦嘢(八卦野) [八卦o野][日日818] : 反盲捐一億賑災　呂秉權：唔捐唔係冷血

2013年5月1日星期三

反盲捐一億賑災　呂秉權：唔捐唔係冷血

搜尋氣

反盲捐一億賑災　呂秉權：唔捐唔係冷血

四川雅安大地震，港人擔心捐款會變貪官私己錢，捐唔捐款引起激烈討論，特區政府卻在此時硬推救災一億撥款，變相迫港人養貪官。

港人良心被利用，曾跑過 14年中國新聞的前無綫及有線電視記者呂秉權， 5年前親往汶川報道過災情令他感觸良多，雖然仔細老婆嫩，亦忍唔住發炮，上週接受商台《在晴朗的一天出發》訪問中聲言「一個仙都唔會捐畀官方」。現任浸會大學新聞系客席高級講師的他，呼籲善心人捐款到民間團體，更稱官方賑災係：「政治動作多於筆錢有冇去到災民手！」

話唔捐畀官方一分一毫並唔係冷血，係我嘅親身經歷，要捐都捐得精明啲，官方係一啲都唔缺錢，中央政府財金官員已話中國政府係全世界最有錢，各個省市點解捐款咁有限呢？上海好似捐咗 200萬，點解我哋要捐一億呢？

今次（撥款建議）可以話係特區政府嘅政治表態，當我哋次次都捐今次唔捐，當澳門一捐就一億，我哋都唔捐，中央政府係會記下呢筆賬，好似喺病房，個個都攞紮花嚟，係你冇送，佢根本唔重視你嗰紮花，但在乎你有冇表態，係政治動作多於筆錢有冇去到災民手！

我個仔 3歲、個女 1歲，記得生完第一個，我要留喺大陸工作，老婆又早又夜照顧細路好辛苦，上年生第二個，老婆湊到個人殘曬，我為咗家人同埋想陪住小朋友成長，上年 9月離開有線轉到浸大做講師。跑咗 14年（新聞），𠵱家係有啲身痕，今次地震都有一刻想返去睇吓……我冇驚過家人受威脅，做咁耐知內地嘅底線，只要唔掂國家機密嘅嘢，相對係安全嘅！

09年採訪豆腐渣工程俾公安拉咗，要沒收我哋啲帶，最後關頭搵到啲有影響力嘅人幫手至走得甩，離開四川時好驚過唔到關口，當時諗如果老百姓冒咁大險講出事實，而啲帶俾官方收咗係天冇眼，好好彩最後八成材料返到香港，始終天係有眼嘅！

呂秉權有 14年內地採訪經驗， 08年深入汶川地震災區，揭發過唔少內地不公義及貪汙事件。