八卦嘢(八卦野) [八卦o野][日日818] : 冇豬肉分　急停優秀選　《勁歌》改制冇獎頒

2013年5月1日星期三

冇豬肉分　急停優秀選　《勁歌》改制冇獎頒

真面目

冇豬肉分　急停優秀選　《勁歌》改制冇獎頒

隨着四大逐漸破冰，本月 20日，陳慧琳帶領一眾四大歌手踩入無綫，但由於仍未落筆簽歌星合約，歌手只能齋唱，新歌仲未可以上榜；即係話，年尾《勁歌》總選仲未有機會爭。據知無綫亦為免吃力不討好，最近將每季舉行的優秀選靜雞雞取消，一向做大贏家的星煥和英皇，今次真係頭都痕！

近年收視麻麻的《勁歌金曲》，由阿旦鄭丹瑞接棒，改 talk show形式盡地一煲，可惜首集收視只得 3點。四大歌手未可以上《勁歌》，無助收視，無綫最近更連每年 3次的優秀選都取消。

餘詠珊入主無綫後有唔少新搞作，眼見《勁歌》名存實亡，今年的起心肝改制，希望有一線生機。

優秀選取消、總選改制，連做足 32年的《勁歌金曲》都要轉陣搞 talk show，朱千雪和崔建邦的主持生涯只維持了 5個月。《蘋果日報》圖片

得番 10首金曲

祖兒和林峯可能是最後一年的「最受歡迎男、女歌手」。《蘋果日報》圖片

有唱片公司宣傳人員透露︰「無綫往年 2月就開始籌備搞優秀選第一回，到 2、 3月就網上投票， 4月就舉行，今年完全冇聲氣，追過無綫，佢哋音樂組班人都未收到通知，大家都估唔搞㗎喇。」

要打入《勁歌》總選爭十大，先要入選優秀選，現在取消優秀選，是否意味四台聯頒有望？又唔係喎！據知商台和新城仍然企硬，而據無綫工作人員透露，《勁歌》總選將有新變動，「女歌手再頒落去都係祖兒，男歌手唔通再畀林峯咩？𠵱家有個新計劃，就係只頒 10首金曲，所有個人獎項都唔要，仲係要一人一票，好似視帝視後咁選，好多唱片公司高層都收到風，大家都諗緊計點拆。」本刊致電無綫非戲劇製作總監餘詠珊，但至截稿前仍未回覆；對於取消優秀選，星煥老闆何哲圖則表示︰「真係未收到任何消息，你哋問番 TVB啦。」

最後絕響

《蘋果日報》圖片

去年 12月的優秀選， 14首得獎歌，星煥和英皇各佔 4首才能打圓場，不過𠵱家連優秀選都 cut埋，已成歷史啦！

四大企硬唔簽約

無綫頒獎禮的玩法，歌手本身要有歌星合約，才可以打入勁歌金榜，之後再入優秀選，才有機會在總選爭一席位。雖然四大歌手企硬唔簽，但為提升音樂節目質素，無綫上週六（ 27日）播出製作更勝《勁歌》的《音樂在綫 Mega Live》，雖然有陳慧琳、周柏豪、連詩雅等四大歌手亮相，但黄金時間收視只得 12點！據聞無綫會再搞類似音樂會添！