八卦嘢(八卦野) [八卦o野][日日818] : 蜜遊香港　阿嬌男友包食宿　少時孝淵中環瘟 model仔

2013年5月1日星期三

蜜遊香港　阿嬌男友包食宿　少時孝淵中環瘟 model仔

真面目

蜜遊香港　阿嬌男友包食宿　少時孝淵中環瘟 model仔

粉絲以億計嘅少女時代， 4月尾開始集體放大假 2星期，成員即各自到外地度假。當中跳舞最勁的孝淵便秘密來港。上週四（ 25日）本中環 ifc發現她跟阿嬌男友 K先生 shopping，同行更有一高大型男。

據知，型男其實是孝淵的韓籍男友，任職模特兒，而一向對孝淵相當照顧的 K先生見孝淵跟男友來港，更一盡地主之誼，提供自己的物業給孝淵與男友入住，又帶孝淵食好嘢。訪港 4日 3夜的孝淵連租酒店都慳番。

今年 3月少時喺香港出席「亞洲流行音樂節」，之前一晚蒲到天光嘅嘅孝淵，蒲到口腫面腫凸腩走樣，今次來港度假算靚咗！

自偷拍網《 Dispatch》踢爆多對藝人拍拖，韓國開始興起狗仔隊文化，一眾韓星都格外小心驚戀情被爆。好似少女時代 4月尾開始放大假，各成員都神神秘秘出外度假，孝淵更與 model男友秘密遊港。

住 K先生私竇

3月尾先隨少時訪港出席「亞洲流行音樂節」，話咁快孝淵又來香港，不過今次為度假不為工作。

上週四（ 25日），本刊便發現阿嬌男友 K先生（權寧一）同孝淵，仲有孝淵的 model男友於中環 ifc出現， K先生更帶二人到其位於 ifc二期 27樓的新公司 Coridel睇裝修。據知，孝淵跟 K先生因同樣喜愛夜蒲而認識，而且一拍即合好老友，所以孝淵今次來港旅遊，亦得到好友 K先生全力支持，入住 K先生於香港其中一項物業， K先生又請孝淵食飯，令孝淵慳番唔少。

孝淵同新歡去完香港玩之後，下一站去咗泰國玩，仲被當地粉絲瘋傳佢哋呢張夜蒲相。而相中嘅高大型男，就疑似陪孝淵遊港嘅韓籍男模。

男友除衫

過馬路時孝淵熱到想除衫，男友亦識做幫孝淵寬衣，相當細心。

ifc餵男友

少時係萬人迷，但私下感情事就相當低調，孝淵只自爆拍過二次拖，而今次陪孝淵來港的新男友，據知是一名韓國男模，有當地粉絲便見過男模接載孝淵返工。

上週四，孝淵同男友及 K先生，於 ifc睇完 K先生新辦工室的裝修進度後，孝淵便去買乳酪雪糕，更當着 K先生面前餵男友食雪糕。之後一行 3人去食越南菜，食完後孝淵更撇甩 K先生跟男友行去金鐘繼續 shopping。二人雖然冇親熱，但就步伐一致勁有默契。呢啲畫面，喺韓國應該見唔到。

餵雪糕

孝淵同男友（右一）上完 K先生（左一）位於 ifc 27樓嘅新公司睇裝修後，就開始 shopping。期間孝淵買咗一杯乳酪雪糕，仲餵男友食咗一啖，食到男友舔曬脷。

歎越菜

K先生除咗借出物業畀孝淵住，上週四佢哋一行 3人離開 ifc後， K先生就帶佢哋去中環食越南菜，成個導遊咁款。

3月英皇春茗，阿嬌帶埋男友 K先生出席，孝淵就被 K先生邀請撐場，仲一齊上台祝酒，身為 K先生女友嘅阿嬌反而似搭枱。

當日孝淵好有購物慾，由 ifc行到去金鐘太古廣場後，再行去金鐘廊嘅 lab concept狂睇，其間 K先生會合孝淵男友，一齊坐喺度等孝淵慢慢揀鞋。

喺金鐘 lab concept買完鞋，終於有途人發現孝淵係巨星，向佢索取簽名，孝淵亦有求必應。而男友亦識做，除咗幫孝淵拎鞋，仲即刻閃開讓位。

少時假期

少時放大假，孝淵同新歡到香港拍拖，其他成員亦個個出國。隊長泰妍同秀英去咗英國度假， Jessica就繼續工作，法國拍寫真。

泰妍秀英遊英倫

泰妍去咗英國度假，仲喺酒店戴眼罩自拍。而酒店玻璃倒影就見到秀英嘅靚樣，證明佢 2個孖住去英國玩。

Jessica巴黎影寫真

Jessica去咗法國巴黎，為寫真集影靚相。

阿嬌猛料男友

阿嬌男友 K先生（權寧一）所開設的「 The Coridel Group」總部設喺美國紐約，公司主要從事資料管理及娛樂業務，今年更會跟英皇娛樂合作發展娛樂事業。據知，曾於美國留學的 K先生出身富裕家庭，所以發展娛樂事業得到唔少 K-Pop巨星力撐，例如 BIGBANG隊長 G-Dragon便以「 brother」稱呼 K先生。