插圖： Wendy
揞名爆
「吸煙王」潑婦罵街
「吸煙王」平日喺鏡頭前，好似官仔骨骨，又因為一套內地清裝劇嘅情深演出，忽然紅咗！不過，都係嗰句，人係唔可以睇表面嘅。
話說早前有個女記者去拍劇現場探班，同幾個演員吹水得好開心。點知「吸煙王」一見到有記者就氣沖沖走埋去大大聲鬧：「做咩呀？嚟做我呀！」跟住就喺啲圍觀嘅街坊面前，喪鬧人哋 15分鐘。嘩，乜依家拍緊黑社會片咩？人哋一個女仔夜麻麻去啲舊區探班，已經驚驚哋㗎喇！仲要無啦啦俾人嚇一嚇，即刻面都青埋，真係無陰功！
媽咪姐只想講，阿大明星，你都未問人做邊間傳媒就即刻鬧人，根本係無理取鬧囉！幕後線人仲話，佢喪鬧嗰 15分鐘，根本無 point，純粹發洩個人對傳媒嘅怨氣、拍劇嘅煩躁。有演員都睇唔過眼，走去勸佢，但「吸煙王」依然唔停嘴。咁無品！難怪佢同前度「木板」分手都係擘面互插收場啦。
. 「吸煙王」潑婦罵街
http://hot104.blogspot.com/2013/05/blog-post_9785.html. 「吸煙王」潑婦罵街
http://hittt.blogspot.com/2013/05/blog-post_8653.html
