菲鵬假離婚！？

假的真不了！（設計對白）

真的假不了！（設計對白）

《蘋果日報》圖片

媽咪姐

菲鵬假離婚！？

近年強國盛產假嘢，假蛋流到冇朋友、奶粉食到 BB變大頭 B、連羅浮宮門券都可以弄假，咁都算喇！日前竟然爆出王菲同李亞鵬喺烏魯木齊離婚係假嘅！等媽咪姐分析吓堅唔堅先！

9月 13日黑色星期五，王菲突然喺微博公布同李亞鵬離婚嘅消息，之後就有網民影到佢哋現身烏魯木齊市民政局，更指兩人辦理緊離婚手續。當時菲鵬身處獨立房間，似有專人服侍。就係咁，網民質疑菲鵬享有特權而紛紛插爆。當局為咗自保，公開發聲明話從未為菲鵬辦理過離婚手續，之後就出現假離婚嘅傳聞喇！

媽咪姐收到風，所謂嘅「離婚照」，只係菲鵬處理普通文件嘅相。真正嘅離婚地點，其實係烏魯木齊沙區法院至真。再講吖，經歷咗愛與痛的邊緣嘅王菲，早前親口承認係佢主動提出離婚，佢亦幫李亞鵬澄清埋小三嘅事。既然天後金口一開，睇嚟離婚一事真的假不了喎！

純粹辦理文件

有網民影到菲鵬辦理離婚嘅相，查實佢哋當時只係喺烏魯木齊市民政局搞緊文書資料。正確離婚嘅地方，其實係烏魯木齊沙區法院。

王菲其後被影到戴口罩上機，當時佢確實已離婚，並唔係網友所講嘅假離婚。

網民眾說紛紜

一家三口賀中秋

喺中秋飯局上，王菲面露笑容跟一眾好友合照，睇嚟心情平復唔少。

李亞鵬首公開露面

李亞鵬上周離婚後首度出席 CCTV1電視台節目，佢喺分享愛情觀時，更數度哽咽。

童童走出陰霾

身在美國嘅竇靖童，周三（ 9月 25日）喺微博上載短片，推介自家作嘅新 single〈 Blue Flamingo〉，似乎已經走出媽媽離婚嘅陰霾。

. 菲鵬假離婚！？
http://hittt.blogspot.com/2013/09/blog-post_7164.html. 菲鵬假離婚！？
http://hittt.blogspot.com/2013/09/blog-post_7164.html