「人民力量」主席袁彌明喺 fb呼籲大家加入「全球反 TVB大聯盟」，希望一班藝人齊心合力，「無綫同一班藝員簽一年一個騷，求其俾幾百蚊就雪你一年，連 30蚊最低工資都冇呀！」
媽咪姐
袁彌明搵定律師狙擊 TVB
亞視長期唔爭氣、王維基電視牌搞極唔成，無綫始終仲係一台獨大，不過上星期，呢個局面竟然出現逆轉。上周四（ 19日），通訊事務管理局裁定無綫壟斷藝員同歌手，罰無綫 90萬港元。
90萬，無綫一晚黃金時段嘅廣告收入都喺番度啦，不過錢銀事小，意義重大，呢次處罰象徵住政府終於意識到，一班藝員同歌手多年來都喺一個欠缺自由度嘅娛圈生態委曲求全！感受到大眾喺一個冇選擇嘅情況下「被娛樂」，增發免費電視牌照係幾咁刻不容緩。
家陣從政嘅袁彌明，就已經搵定一班律師團隊，同時呼籲曾經身受其害嘅一眾藝人，拎份合約出嚟俾律師過目，希望盡快可以搞集體訴訟，向無綫挑機。睇嚟 TVB都幾頭痕！
. 袁彌明搵定律師狙擊 TVB
http://hittt.blogspot.com/2013/09/tvb_27.html. 袁彌明搵定律師狙擊 TVB
http://hittt.blogspot.com/2013/09/tvb_27.html
